عثمانی دارالافتاء

سوال : محترم مفتی صاحب ! یہ بات بیان کی جاتی ہے کہ حضور اکرم صلی اللہ علیہ و سلم نے ارشاد فرمایا : میری امت کے علماء بنی اسرائیل کے انبیاء کی مانند ہیں۔ کیا یہ حدیث ہے؟ براہ کرم مدلل جواب عنایت فرمائیں۔ (المستفتی : محمد حذیفہ، مالیگاؤں) ------------------------------------  بسم اللہ الرحمن الرحیم  الجواب وباللہ التوفيق : سوال نامہ میں مذکور روایت اگرچہ ذخیرہ احادیث میں ملتی ہے، لیکن ماہر فن علماء مثلاً سیوطی، ابن حجر، ملا علی قاری اور زرکشی وغیرہ رحمھم اللہ نے اس روایت کو بے اصل اور من گھڑت قرار دیا ہے۔ دارالعلوم دیوبند کا فتوی ہے : یہ روایت بے اصل ہے، کسی معتبر کتاب میں یہ روایت موجود نہیں ہے۔ ”علماء أمتی کأنبیاء بنی اسرائیل“ ”قال السیوطی فی الدرر: لا أصل لہ، وقال فی المقاصد: قال شیخنا یعنی ابن حجر: لا أصل لہ، وقبلہ الدمیری والزرکشی، وزاد بعضہم : ولا یعرف فی کتاب معتبر الخ (کشف الخفاء ومزیل الإ لباس: ۲/۷۴، رقم: ۱۷۴۴)۔ (رقم الفتوی : 164652) لہٰذا اس کی نسبت نبی کریم صلی اللہ علیہ و سلم کی طرف کرنا اور اس کا بیان کرنا درست نہیں ہے۔ البتہ علماء انبیاء کے وارث ہیں، یہ روایت متعدد...

سوال : مفتی صاحب اسی طرح کا ایک مسئلہ کسی عالمہ نے بیان کیا کہ چھاتی کا زائد کپڑا (بَرا) کے بغیر نماز نہیں ہوتی اس تعلق سے بھی رہنمائی کردیجئے، مہربانی ہوگی۔ (المستفتی : عمر فاروق، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : نماز میں عورت کا ستر چھپا ہو یعنی چہرہ، ہتھیلیاں اور دونوں قدم کے علاوہ بقیہ پورا جسم کپڑے سے ڈھکا ہوا ہو تو اس کی نماز ہوجائے گی، کپڑے کے اندر سینہ بند (بَرا) کا پہننا ضروری نہیں۔ بغیر سینہ بند کے بھی نماز بلاکراہت ادا ہوتی ہے۔ ایسے ہی ایک سوال کے جواب میں دارالعلوم دیوبند کا فتوی ہے : مذکورہ بات بے اصل ہے، عورت کی نماز کے صحیح ہونے کے لیے ایسی کوئی شرط ثابت نہیں ہے۔ (رقم الفتوی : 152370) لہٰذا سوال نامہ میں مذکور عالمہ صاحبہ کی بات بالکل غلط اور من گھڑت ہے، انہیں اپنی اصلاح کرنا چاہیے اور آئندہ بغیر دلیل کے ایسی بات نہیں کرنا چاہیے۔ سَتْرُ الْعَوْرَةِ شَرْطٌ لِصِحَّةِ الصَّلَاةِ إذَا قُدِرَ عَلَيْهِ. كَذَا فِي مُحِيطِ السَّرَخْسِيِّ... الْعَوْرَةُ لِلرَّجُلِ مِنْ تَحْتِ السُّرَّةِ حَتَّى تُجَاوِزَ رُكْبَتَيْهِ فَس...

سوال : مفتی صاحب ! ایک عالمہ صاحبہ کہتی ہیں کہ عورتوں کو مخصوص ایام کے علاوہ بھی چڈی (نیکر) کا استعمال کرنا چاہیے  اگر نہیں کریں گی تو گناہ گار ہوں گی۔ شریعت کی روشنی جواب عنایت فرمائیں۔ (المستفتی : زبیر احمد، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : شلوار اور پاجامہ کے اندر انڈر وئیر یعنی چڈی کا استعمال خواہ مرد ہو یا عورت سب کے لیے صرف جائز ہے، کوئی فرض یا واجب عمل نہیں ہے۔ دارالعلوم دیوبند کا فتوی ہے : جیسے مرد حضرات لنگی پہن کر نماز پڑھ سکتے ہیں اگرچہ اندر انڈر ویئر وغیرہ نہ ہو، اسی طرح عورتیں بھی سوال میں مذکور لباس میں نماز پڑھ سکتی ہیں بشرطیکہ تمام ضروری ستر چھپ جائے، پیٹ، پیٹھ وغیرہ کھلی ہوئی نہ ہو۔ (رقم الفتوی : 62443) لہٰذا جب شلوار اور پاجامہ سے ستر چھپ جاتا ہے تو اس کے اندر نیکر اور چڈی پہننے کو ضروری سمجھنا اور نہ پہننے کو ناجائز اور گناہ قرار دینا سخت غلطی ہے، عالمہ صاحبہ کو اپنی اس بے بنیاد بات سے توبہ و استغفار کرکے فوراً رجوع کرنا چاہیے۔ عَنْ دِحْيَةَ بْنِ خَلِيفَةَ الْکَلْبِيِّ أَنَّهُ قَالَ أُتِيَ رَسُولُ اللَّ...

سوال : مفتی صاحب مسئلہ یہ پو چھنا تھا کہ حکومت مہاراشٹر کی جانب سے بنی لاڈلی بہن یوجنا شروع ہوئی ہے۔ جس میں فارم بھرنا پڑتا ہے۔ جس کے بعد ہر ماہ 1500 اپنے اکاونٹ میں آتا ہے۔ ابھی جلد یہ اسکیم شروع ہوئی۔ جس میں اب 2 ماہ کا 3000 انا شروع ہوگیا ہے۔ اور کچھ جاننے والوں کے گھر کی عورتوں کے اکاونٹ میں پیسہ آبھی گیا ہے۔ اب یہ مسئلہ ہے کہ اس پیسہ کا اصل مالک کون؟ آپ رہنمائی فرمائیں تو ان تک بات پہنچا دی جائیگی۔ انشاءاللہ اس سے کچھ میاں بیوی میں نااتفاقی ہو رہی ہے۔ (المستفتی : رضوان احمد، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : لاڈلی بہن اسکیم کے تحت مہاراشٹر گورنمنٹ کی جانب سے ملنے والی رقم میں چونکہ اس بات کی صراحت ہے کہ یہ رقم خواتین کے لیے ہے، لہٰذا ملنے والی اس رقم کی وہ تنہا مالک ہے اور اسے اس بات کا شرعاً اختیار ہے کہ وہ اس پیسے کو جائز کاموں میں جہاں چاہے خرچ کرے۔ اس رقم کا شوہر کو دینا ضروری نہیں۔ اور نہ ہی شوہر اس کی مرضی کے بغیر وہ یہ رقم اس سے لے سکتا ہے۔ ہاں اگر خاتون اپنی مرضی سے یہ رقم شوہر کو دے دے تو الگ بات ہے۔ عَنْ أنَسِ ب...

سوال : مفتی صاحب ! دریافت کرنا تھا کہ علامہ اقبال کے ایک شعر میں یہ الفاظ ملتے ہیں "میر عرب کو آئی ٹھنڈی ہوا جہاں سے" جس کی نسبت آپ صلی اللہ علیہ وسلم کی طرف کی جاتی ہے۔ کیا اس طرح کا کوئی اشارہ حدیث پاک میں ملتا ہے؟ رہنمائی فرمائیں۔ (المستفتی : محمد اسعد، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : سوال نامہ میں مذکور شعر "میر عرب کو آئی ٹھنڈی ہوا جہاں سے " کے بارے میں بتایا جاتا ہے کہ یہ ایک حدیث "مجھے ہند سے ٹھنڈی ہوا آتی ہے" کا مفہوم ہے اور اس کے عربی الفاظ یہ "قال رسول الله صلى الله علیہ وسلم تأتي إلىّ ريح طيبة من الهند" بیان کیے جاتے ہیں۔ جبکہ حقیقت یہ ہے ان الفاظ کے ساتھ یا اِس سے ملتے جلتے الفاظ مثلاً "مجھے ہند سے وفا کی خوشبو آتی ہے" وغیرہ کے ساتھ نبی کریم صلی اللہ علیہ و سلم کی کوئی حدیث نہیں ہے۔ لہٰذا ان باتوں کو آپ صلی اللہ علیہ و سلم کی طرف منسوب کرنا اور اس کا بیان کرنا جائز نہیں ہے۔ البتہ حضرت علی رضی اللہ عنہ کا ایک معتبر قول ملتا ہے کہ "آپ رضی اللہ عنہ نے فرمایا : س...

سوال : ٹولین اور چڑیل کی شریعتِ اسلامیہ میں کیا حقیقت ہے؟ کیا کسی عورت کو ٹولین لگتی ہے؟ یا لگ سکتی ہے؟ ہمارے معاشرے میں کسی ایسی بوڑھی عورت کو جو سب سے الگ تھلگ زندگی گزارتی ہو اور روزے نماز خوب کرتی ہو عموماً اس کو ٹولین کے نام سے مشہور کردیا جاتا ہے۔ لوگ اس سے خوف کھانے لگتے ہیں۔ تو اس کی کیا حقیقت ہے؟کبھی کسی عورت کا رشتہ محض یہ بول کر رد کردیا جاتا ہے کہ اس عورت کو ٹولین لگتی ہے۔ ایسا بولنے والوں کا کیا حکم ہے؟ جبکہ اس طرح کی بات بولنے سے اس خاتون کا رشتہ نہیں ہوتا؟ بینوا توجروا (المستفتی : عرفان احمد انصاری، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : شریر جن کی مؤنث یعنی جنیہ ہی چڑیل ہوتی ہیں۔ یعنی وہی مختلف ہیبت ناک شکل میں بعض انسانوں کو ڈراتی ہیں یا پھر بعض مرتبہ عورتوں پر حاوی بھی ہوجاتی ہیں۔ اس لیے کہ جنات کو اللہ تعالیٰ نے انسانی آزمائش کے لیے یہ قدرت دے رکھی ہے کہ وہ مختلف تصرف کرکے انسانی زندگی پر اثر انداز ہوسکتے ہیں، جس کا قرآن وحدیث سے ثبوت بھی ملتا ہے، لہٰذا کسی کے جسم پر جنات کا تسلط اور اس کے اثر سے مغلوب ہوجانا کوئ...

سوال : مفتی صاحب یہ BTS کیا ہے؟ اسکول کالج وغیرہ میں لڑکیاں اس کی دیوانی ہیں، اس کو اپنا آئیڈیل مانتی ہے لڑکیاں جنون کی حد تک اُن سے محبت کرتی ہیں اس کے بارے میں مکمل رہنمائی فرمائیں۔ (المستفتی : محمد ناصر، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : کوریا کے سات نوجوانوں کا ایک بینڈ گروپ ہے جو BTS کے نام سے مشہور ہے۔ یہ نوجوان بیک وقت گانے، ناچنے اور میوزک سب پر ان کی اصطلاح کے مطابق مہارت رکھتے ہیں، چونکہ یہ دکھنے میں ایک جیسے لگتے ہیں اور انہیں خوبصورت بھی کہا جاتا ہے۔ جس کی وجہ سے گلیمر کی دلدادہ لڑکیاں ان کی فین اور دیوانی بنی ہوئی ہیں۔ جبکہ یہ بات روزِ روشن کی طرح عیاں ہے کہ ناچنا، گانا اور موسیقی شرعاً ناجائز اور حرام کام ہے جس پر احادیث میں سخت وعیدیں وارد ہوئی ہیں۔ حضرت جابر رضی اللہ عنہ سے روایت ہے کہ رسول اللہ صلی اللہ علیہ  وسلم نے ارشاد فرمایا : گانا دل میں نفاق کو اس طرح پیدا کرتا ہے جیسے پانی کھیتی کو اگاتا ہے۔ (بیہقی) ابوعامر یا ابو مالک الاشعری  فرماتے ہیں کہ انہوں نے رسول اللہ ﷺ سے سنا کہ آپ نے فرمایا : میری اُمت ...

سوال : کیا فرماتے ہیں مفتیان کرام اس مسئلے میں ابھی موبائل پر ایک پروگرام ہے۔  پارس گرو کل  ایک ادارہ ہے جس کے ذریعے آن لائن لیکچر دیا جاتا ہے اور اس لیکچر میں کچھ ایسی باتیں ہوتی جو دین و شریعت سے ٹکراتی ہیں اور اس لیکچر میں شریک ہونے کیلئے 590 روپیہ فیس بھری جاتی ہے اور اس گروپ میں دو لوگوں کو جوائن کرنا ہوتا ہے یہ لیکچر دو مہینہ چلتا ہے اس کے بعد اس لیکچر میں شریک لوگوں کا سلیکشن کرکے ان کو پڑھانے کیلئے لگایا جاتا ہے وہ بھی آن لائن اور ان کو ماہانہ 6000 روپیہ تنخواہ دیجاتی ہے۔ پوچھنا یہ ہے کہ ایسی تعلیم حاصل کرنا اور اس کی تعلیم دینا کیسا ہے؟ (المستفتی : محمد زبیر، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : پارس گرو کُل سے متعلق زیادہ معلومات تو اکٹھا نہیں کی جاسکی۔ البتہ اس کے دو لیکچر سننے کا موقع ملا، جس میں گرل فرینڈ بوائے فرینڈ کی مثال اس طرح دی جارہی تھی کہ گویا یہ کلچر جائز ہو، اور ظاہر سی بات ہے کہ یہ غیرمسلموں کا بنایا ہوا کورس ہے، جس میں ایسی باتیں بلاشبہ ہوں گی جو شریعت سے متصادم ہوں۔  اسی طرح اس میں سب سے ب...

سوال : مفتی صاحب ایک مسئلہ پوچھنا تھا کہ جو بچے بالغ ہونے سے پہلے انتقال کر جاتے ہیں کیا وہ جنت میں اپنے ماں باپ کو ساتھ میں لے جائیں گے؟ جواب عنایت فرمائیں۔ (المستفتی : مصدق سر، مالیگاؤں) ------------------------------------ بسم اللہ الرحمن الرحیم  الجواب وباللہ التوفيق : متعدد روایات میں یہ مضمون وارد ہوا ہے کہ بچپن میں انتقال کرنے والے بچے بلکہ پیدا ہونے سے پہلے ہی ضائع ہوجانے والے بچے جسے عربی میں ’’سقط‘‘ کہتے ہیں یعنی ناتمام بچے بھی قیامت کے دن اپنے والدین کے لیے شفاعت کریں گے۔ مسند احمد ابن حنبل میں ہے : حضرت معاذ بن جبل رضی اللہ عنہ سے مروی ہے کہ جناب رسول اللہ ﷺ نے ارشاد فرمایا جن دو مسلمان میاں بیوی کے تین بچے فوت ہوجائیں، اللہ تعالیٰ انہیں اپنے فضل و کرم سے جنت میں داخل فرما دے گا صحابہ کرام رضی اللہ عنہم نے پوچھا یا رسول اللہ!  ﷺ اگر دو بچے ہوں تو؟ فرمایا ان کا بھی یہی حکم ہے انہوں نے پوچھا اگر ایک ہو تو ؟ فرمایا اس کا بھی یہی حکم ہے پھر فرمایا اس ذات کی قسم جس کے دست قدرت میں میری جان ہے، نامکمل حمل بھی اپنی ماں کو کھینچ کر جنت میں لے جائے گا بشرطیکہ اس نے اس پر صب...