عثمانی دارالافتاء

سوال : کیا فرماتے ہیں علماء دین ومفتیان شرع متین درمیان مسئلہ ھذا کے کہ کیا کوئی عورت اپنی بہن اور بہنوئی کے ساتھ سفر عمرہ پر جاسکتی ہے؟ رہنمائی فرمائیں اور عنداللہ ماجور ہوں۔ (المستفتی : محمد عبداللہ، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : کسی بھی خاتون کا بہنوئی یعنی اس کی بہن کا شوہر اس کے لیے محرم نہیں ہے، محرم وہ ہے جس سےنکاح کسی حال میں بھی جائز نہ ہو، سالی محرم نہیں، چنانچہ اگر شوہر بیوی کو طلاق دیدے یا بیوی کا انتقال ہوجائے تو سالی کے ساتھ نکاح ہو سکتا ہے،   لہٰذا محرم کے بغیر کسی بھی خاتون کے لیے شرعی مسافت یا اس سے زیادہ کا سفر کرنا جائز نہیں ہے۔ حدیث شریف میں آیا ہے :  نبی کریم ﷺ نے ارشاد فرمایا : کسی عورت کے لئے جو کہ اللہ تبارک وتعالیٰ پر اور آخرت کے دن پر ایمان رکھتی ہو حلال نہیں کہ وہ تین راتوں کی مسافت سفر کرے مگر یہ کہ اس کے ساتھ محرم ہو۔ بغیر محرم کے بالغ عورت کے لیے تین دن (جس کی مسافت شرعی میل کے اعتبار سے ۴۸؍ میل ہے، اور موجودہ زمانہ میں کلومیٹر کے حساب سے ۸۷؍ کلو میٹر ۷٨۲؍ میٹر ۴۰؍ سینٹی میٹر ہوت...

✍️ مفتی محمد عامر عثمانی ملی       (امام وخطیب مسجد کوہ نور) قارئین کرام ! ایک ویڈیو واٹس اپ  پر کافی وائرل ہے، جس میں گجرات کے مشہور عالم دین حضرت مولانا صلاح الدین صاحب سیفی دامت برکاتہم بتا رہے ہیں کہ مطاف وغیرہ میں اگر وضو ٹوٹ جائے تو وضو بنانے کے لیے باہر آنا پڑتا ہے جو کافی فاصلے پر ہے اور پھر باہر آنے کے بعد اندر واپس جانا بھی ایک مشکل مرحلہ ہے، لہٰذا اگر کسی کا وضو ٹوٹ جائے تو وہ وہیں بیٹھ کر فوارے والی بوتل سے اس طرح وضو کرلے کہ صرف اعضاء وضو کو اس طرح گیلا کرلے کہ اس سے ایک دو قطرات ٹپک جائیں، پھر انہوں نے وضو کرکے بھی بتایا ہے۔ چونکہ یہ مسئلہ عوام میں رائج نہیں ہے جس کی وجہ سے لوگوں میں کافی تشویش پائی جارہی ہے، یکے بعد دیگرے سوالات آرہے ہیں، اسی طرح اس کے رد میں بھی تحریریں آرہی ہیں اور موافقت میں بھی، چنانچہ ان سب کو دیکھنے کے بعد کچھ باتیں بندہ کے ذہن میں آرہی ہیں جنہیں آسان فہم انداز میں لکھنے کی کوشش کی جارہی ہے۔ سب سے پہلی بات تو یہ ہے کہ مسجد حرام کے اندر مطاف سے لگ کر سیڑھیوں کے پاس وضو خانے موجود ہیں، جہاں مردوں کے ساتھ عورتوں کے لیے بھی وضو ...

سوال :  مفتی صاحب ! اللہ کسی کو ایک نظر محبت سے دیکھتے ہیں تو مسجد میں آنے کی توفیق دیتے ہیں، چالیس مرتبہ دیکھتے ہیں تو بیت اللہ آنے کی اور ستر مرتبہ دیکھتے ہیں تو اللہ کے راستے میں نکلنے کی توفیق دیتے ہیں، کیا یہ حدیث ہے؟ براہِ مہربانی رہنمائی فرمائیں۔ (المستفتی : ڈاکٹر اسامہ، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : سوال نامہ میں مذکور روایت کسی بھی صحیح یا ضعیف حدیث سے ثابت نہیں ہے، یہ موضوع من گھڑت روایت ہے، اور چونکہ اس روایت میں ایسی فضیلت بیان کی گئی ہے جس کا علم حضور اکرم صلی اللہ علیہ و سلم کی احادیث کے ذریعے ہی ہوسکتا ہے، لہٰذا اس بات کو نبی کریم صلی اللہ علیہ و سلم کی طرف نسبت کرکے یا بغیر نسبت کیے بھی بیان کرنا جائز نہیں ہے۔    عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّی اللَّهُ عَلَيْهِ وَسَلَّمَ مَنْ کَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنْ النَّارِ۔ (صحیح البخاری، رقم : ١١٠)فقط واللہ تعالٰی اعلم محمد عامر عثمانی ملی 12 ذی القعدہ 1446

✍️ مفتی محمد عامر عثمانی ملی        (امام وخطیب مسجد کوہ نور ) قارئین کرام ! ہمارے شہر مالیگاؤں کی شادیاں کم خرچ اور کم وقت میں انجام دئیے جانے کی مثالیں دوسرے علاقوں میں جاتی ہے، لیکن ان خوبیوں کی جگہ دھیرے دھیرے خامیاں لیتی جارہی ہیں۔ اس مضمون میں ہم ایسی ہی دو خامیوں اور غلطیوں پر توجہ دلائیں گے جو بہت سے لوگوں کے لیے تکلیف کا باعث بن رہی  ہیں ۔ ایک غلطی یہ دیکھنے میں آرہی ہے کہ ولیمہ شروع ہوئے آدھا ایک گھنٹہ بلکہ دیڑھ گھنٹے تک ہوچکا ہے، لیکن محفلِ ولیمہ کی جان یعنی نوشے میاں کی اب تک شامیانے میں تشریف آوری نہیں ہوئی ہے۔ یعنی بیس سے چالیس بلکہ پچاس فیصد تک مجمع کھانا کھاکر جاچکا ہوتا ہے اس کے بعد دولہے کی انٹری ہوتی ہے۔ اس تاخیر کی وجہ یہ معلوم ہوئی کہ لڑکیوں کی طرح لڑکوں کو بھی سجنا سنورنا ہوتا ہے، اور انہیں بھی ڈریسنگ میں تام جھام کرنا ہے، نوشا حضرات کو چاہیے کہ اس میں اعتدال کا دامن تھامے رہیں، سجنا سنورنا صنف نازک کا کام ہے، آپ کا سجنے سنورنے سے زیادہ ولیمہ میں شرکت کرنے والوں سے ملنا اور ان کی دعائیں لینا اہم ہے۔ اس لیے آپ ولیمہ شروع ہونے کے وقت ہی حاضر ...

سوال : مفتی صاحب ! کاکروچ پاک ہے یا ناپاک ؟ اگر پانی ٹنکی میں زندہ یا مرا ہوا پایا جائے تو کیا کریں؟ رہنمائی فرمائیں۔ (المستفتی : زبیر احمد، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : حشرات الارض یعنی کیڑے مکوڑوں میں بہنے والا خون نہیں ہوتا مثلاً کاکروچ، گھروں میں رہنے والی چھپکلی وغیرہ۔ اگر یہ پانی میں گرجائیں تو ان کی وجہ سے پانی ناپاک نہیں ہوتا جیسا کہ حدیث شریف میں آیا ہے کہ رسول اللہ صلی اللہ علیہ وسلم نے ارشاد فرمایا : جس کیڑے میں خون نہ ہو اس کا پانی میں مر جانا پانی کو نجس نہیں کرے گا۔ لہٰذا اگر لال بیگ (کاکروچ) پانی کی ٹنکی میں زندہ ملے یا مرا ہوا، تب بھی پانی پاک رہے گا، اس پانی کو ہر طرح استعمال کیا جا سکتا ہے، ہاں اگر کوئی طبعی کراہت کی وجہ سے استعمال نہ کرے تو الگ بات ہے۔ اور اگر یہ پانی میں مرکر پھول پھٹ جائے اور اس کے اجزاء پانی میں مل جائیں تو پانی ناپاک تو نہ ہوگا، اس لئے کہ اس میں دمِ سائل یعنی بہنے والا اور ناپاک خون نہیں ہوتا۔ البتہ ایسے پانی کا پینا مکروہِ تحریمی ہے، اس لئے کہ کاکروچ کا کھانا حلال نہیں ہے، اور مذکو...

سوال : ایک حدیث اکثر سننے میں آتی ہے کہ ایک مرتبہ کسی شخص نے آپ صلی اللہ علیہ وسلم کو راستے پر کہا کہ آپ یہاں رکو میں تھوڑی دیر میں آتا ہوں اور وہ شخص کسی مصروفیت کی وجہ سے بھول گیا کہ اس نے آپ صلی اللہ علیہ وسلم ایسا وعدہ کیا ہے۔ تین دن بعد اس شخص کا وہاں سے گزر ہوا تو اس نے آپ صلی اللہ علیہ وسلم کو وہاں پایا تو اسے اپنی بات یاد آگئی۔اس حدیث کی تحقیق مطلوب ہے۔ (المستفتی : وکیل احمد، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : سوال نامہ میں مذکور واقعہ کو امام ابوداؤد اور امام بیہقی رحمھما اللہ نے اپنی سنن میں ذکر کیا ہے جو سند کے اعتبار سے درست ہے، اس واقعہ میں نبی کریم صلی اللہ علیہ و سلم کے وعدہ کی پاسداری کو بیان کیا گیا ہے، اس واقعہ کا اردو ترجمہ اور عربی متن درج ذیل ہے۔ حضرت عبداللہ ؓ بن ابی الحمساء فرماتے ہیں کہ میں نے نبی کریم صلی اللہ علیہ و سلم سے آپ کی بعثت سے قبل کوئی چیز خریدی اس کی کچھ قیمت میرے ذمہ واجب الاداء تھی تو میں نے آپ سے وعدہ کرلیا کہ کل آپ کو یہیں اسی جگہ لا کردوں گا پھر میں بھول گیا تین روز کے بعد مجھے یاد آیا...

سوال : مزدور کی مزدوری اس کے پسینہ سوکھنے سے پہلے ادا کردی جائے، کیا یہ حدیث ہے؟ اور کس درجہ کی ہے؟ مکمل وضاحت مطلوب ہے۔ (المستفتی : صغیر احمد، پونہ) ------------------------------------ بسم اللہ الرحمن الرحیم الجواب وباللہ التوفيق : سوال نامہ میں مذکور روایت سنن ابن ماجہ سمیت متعدد کتب احادیث میں موجود ہے جو درج ذیل ہے : حضرت عبداللہ بن عمر رضی اللہ عنہ سے روایت ہے کہ اللہ کے رسول صلی اللہ علیہ و سلم نے ارشاد فرمایا : مزدور کو اس کی مزدوری اس کا پسینہ خشک ہونے سے پہلے دے دو۔ یہ روایت معتبر ہے۔ لہٰذا اس کی نسبت نبی کریم صلی اللہ علیہ و سلم کی طرف کرنا اور اس کا بیان کرنا درست ہے۔ اس کا مطلب یہ ہے کہ مزدور یعنی کام کرنے والا جب تمہارا کام پورا کر دے تو اس کی مزدوری فوراً ادا کر دی جائے، اس میں تاخیر بالکل نہ کی جائے۔ البتہ اگر باہمی رضامندی سے اجرت ہفتہ واری یا ماہانہ طے ہوتو پھر اس میں حرج نہیں۔ عَنْ عَبْدِ اللَّهِ بْنِ عُمَرَ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " أَعْطُوا الْأَجِيرَ أَجْرَهُ قَبْلَ أَنْ يَجِفَّ عَرَقُهُ۔ (سنن ابن ماجہ، رقم : ٢٤٤٣) أ...

✍️ مفتی محمد عامر عثمانی ملی          (امام وخطیب مسجد کوہ نور ) قارئین کرام ! سوشل میڈیا کا مقبول ترین app واٹس اپ اب عموماً لوگوں کی زندگی کا حصہ بن چکا ہے۔ یہی وجہ ہے کہ اب اس کو hack کرکے لوگوں کی پرائیویسی میں جھانکنے جیسے سنگین جرم کا ارتکاب بڑھتا جارہا ہے۔  گذشتہ تین چار سالوں سے واٹس اپ نمبر ہیک ہونے کی شکایت عام ہونے لگی، الگ الگ طریقوں سے واٹس اپ یا موبائل ہیک ہونے کے معاملات سامنے آرہے ہیں، فی الحال ایک ایپ کے ساتھ چند فحش تصویریں کسی بھی گروپ میں کسی کے بھی نمبر سے آرہی ہیں۔ گلابی واٹس اپ Pink whatsapp کی لنک بھی آئے دن گروپ میں آتی رہتی ہے، جس کے بارے میں یہ لکھا ہوتا ہے کہ اس سے آپ کے واٹس اپ کا رنگ تبدیل ہوجائے گا، اس سے بھی واٹس اپ یا موبائل ہیک ہوجائے گا، لہٰذا اس لنک کو بھی ہرگز کلک نہ کریں۔ بچے موبائل میں گیم کھیلتے ہوئے درمیان میں اشتہار میں آنے والے گیم یا ایپ ڈاؤنلوڈ کرلیتے ہیں، اس طرح کے ایپ بھی آپ کے موبائل hack ہونے کا سبب بن سکتے ہیں۔ لہٰذا اس پر بھی نظر رکھتے رہیں، اور انجانے ایپ کو فوری طور پر ڈیلیٹ کردیں۔ اگر آپ کو کسی گروپ میں ...

بدگو، بدزبان اکبر ہاشمی پونہ  ✍️ مفتی محمد عامر عثمانی ملی         (امام وخطیب مسجد کوہ نور) قارئین کرام ! عنوان سے آپ کو یہ گمان ہوسکتا ہے کہ یہ تحریر ذاتیات پر مبنی ہوگی، لیکن حقیقت یہ ہے کہ یہ ذاتی اور انفرادی مسئلہ نہیں ہے، بلکہ یہ اجتماعی مسئلہ ہے، جس پر بولنا اور لکھنا ضروری ہے تاکہ امت کے ایک ناسور کا صحیح علاج کیا جاسکے۔  اکبر ہاشمی پونہ پر ہم نے اس سے پہلے بھی دو تفصیلی مضمون لکھا ہے جسے آپ اس لنک سے ملاحظہ فرمائیں اور اس کی مکمل حقیقت جان لیں۔ بدزبان اور فحش گو اکبر ہاشمی کی حقیقت اکبر ہاشمی کا معافی ڈرامہ جبل گردد جبلت نہ گردد فی الحال وقف قانون 2025 کے سلسلے میں بھی یہ حسب معمول حکومت کی چاٹو گیری کرتا ہوا نظر آرہا ہے اور اس پر اس نے دو دو ویڈیو بھی بنائے ہیں جس میں صاف صاف اس کالے قانون کی حمایت کررہا ہے اور نوجوانوں سے کہہ رہا ہے کہ مسلمانوں کی نمائندہ تنظیموں کی طرف سے جو بھی احتجاج ہورہے ہیں یا ہوں گے اس میں حصہ لینے کی ضرورت نہیں ہے۔ آج پوری قوم اس کالے قانون کے خلاف سراپا احتجاج بنی ہوئی ہے اور یہ دھڑلے سے یہ کہہ رہا کہ کوئی بھی اس اح...

✍️ مفتی محمد عامر عثمانی ملی       (امام وخطیب مسجد کوہ نور) قارئین کرام ! خبر ہے کہ داؤدی بوہرہ مذہب کے ایک وفد نے جمعرات کے روز وزیراعظم نریندر مودی سے ملاقات کی اور حالیہ منظور شدہ وقف ترمیمی قانون 2025 پر ان کا شکریہ ادا کیا اور یہ بھی باور کرایا کہ یہ قانون ان کی برادری کا دیرینہ مطالبہ ہے۔ اس خبر کے پڑھنے کے بعد کچھ باتیں ذہن میں آرہی ہیں جسے آپ حضرات کی بصارت اور بصیرت کے حوالے کرنا ضروری سمجھتے  ہیں۔ سب سے پہلے ہم یہ واضح کردینا چاہتے ہیں کہ بوہرہ اگرچہ اپنے آپ کو مسلمان کہتے ہوں یا سرکاری کاغذات میں انہیں مسلمان تسلیم کیا جاتا ہو، لیکن ہم انہیں مسلمان نہیں سمجھتے، اس لیے کہ ان کے بہت سے عقائد کفریہ ہیں۔ اور ان کے اعمال کی بات کی جائے تو انہیں مادر زاد برہنہ سادھو کے پیر پڑتے اور ناریل چڑھاتے دیکھا گیا ہے۔ دارالعلوم دیوبند کا فتوی ہے :  بوہرہ فرقہ اپنے عقائد کفریہ کی بنا پر کافر ومرتد اور دائرہٴ اسلام سے خارج ہے؛ اس سلسلے میں بعض لوگوں کی بات درست ہے، مسلمان ہونے کے لیے صرف نماز پڑھ لینا یا حج کرلینا کافی نہیں بلکہ اسلام لانے کے بعد ضروریاتِ دین کو ...

سوال :  کیا فرماتے ہیں مفتیان کرا م مندرجہ ذیل سوال کے جواب میں۔ واشنگ پاؤڈر کی ایک کمپنی۲؍ کلو کی ایک پیکٹ تین سو روپیہ میں فروخت کر رہی ہے، اور یہ اعلان بھی کرتی ہے کہ ہر تین ماہ میں جتنا بھی پاؤڈر فروخت ہوگا ہر خریدنے والے کے نام کی ایک پرچی بنا کر پیٹی میں ڈالی جائے گی،پھر ایک تاریخ مقرر کرکے سب لوگوں کے سامنے کسی نابینا کے ہاتھ سے پانچ نام کی پرچی نکالی جائے گی، جن خریداروں کے نام کی قرعہ اندازی کے ذریعہ نکالی گئی پرچی میں آئے گا ان کو ۱۵؍ روز کے لئے عمرہ کے سفر پر بھیجا جائے گا، اور یہ اسکیم ۵۰۰ لوگوں کو بھیجنے تک ان شاء اللہ جاری رہے گی نیز ان سے کوئی بھی زائد روپیہ نہیں لیا جائے گا، عمرہ کا پورا خرچ ممبئی سے ممبئی تک واشنگ پاؤڈر کمپنی کرے گی۔کیا اس طرح عمرہ کرنا جائز ہوگا اور اس کا ثواب بھی ملے گا؟ جواب مرحمت فرما کر عند اللہ ماجور ہوں۔ والسلام : عقیل احمد ملی، مالیگاؤں ------------------------------------ بسم اللہ الرحمن الرحیم الجواب وباللہ التوفيق : خریدی ہوئی چیزوں کے ساتھ خریدار کو فروخت کرنے والے کی طرف سے انعام کے طور پر قرعہ اندازی کرکے یا بغیر قرعہ اندازی ...

✍️ مفتی محمد عامر عثمانی ملی      (امام وخطیب مسجد کوہ نور) قارئین کرام ! ڈاکٹر بھیم راؤ صاحب امبیڈکر (Dr. B. R. Ambedkar) بھارت کے ایک ممتاز ماہر قانون، سیاستدان، اور سماج سدھارک تھے۔ وہ دلتوں (نچلی ذاتوں) کے حقوق کے بہت بڑے علمبردار سمجھے جاتے ہیں۔ انہوں نے کولمبیا یونیورسٹی (USA) اور لندن اسکول آف اکنامکس (UK) سے اعلیٰ تعلیم حاصل کی۔ ذات پات کے خلاف جدوجہد کی اور دلتوں کو سماجی انصاف دلانے کے لیے تحریک چلائی۔ بھارت کا آئین تیار کرنے والی کمیٹی کے صدر رہے اور 1950 میں نافذ کیے گئے آئین کے بنیادی مصنف تھے۔  ڈاکٹر امبیڈکر صاحب کی پیدائش 14 اپریل 1891 کو مدھیہ پردیش میں ایک مہار ذات کے خاندان میں ہوئی۔ چنانچہ ہر سال 14 اپریل کو آپ کی جینتی منائی جاتی ہے۔ ان بڑی خوبیوں اور کارناموں کی وجہ سے وہ "مہا پُرش" کہلاتے ہیں اور آئینِ ہند کی تیاری میں چوں کہ آپ کا کردار مرکزی رہا ہے، اس لیے انصاف پسند ہندوستانیوں کا آپ کو پسند کرنا ایک بدیہی عمل ہے، لیکن چوں کہ مسلمانوں کے لیے ہر معاملات میں شرعی حدود اور قیود بیان کی گئی ہے، مسلمانوں کو ان کے حال پر نہیں چھوڑا گیا ہے کہ وہ جو ...

سوال : محترم مفتی صاحب ! اگوا حضرات رشتہ طے کرانے کی اجرت لیتے ہیں، بعض لوگوں کے یہاں پہلے سے ہوتا ہے کہ اتنا دینا پڑے گا؟ بعض کچھ کہتے نہیں ہیں جتنا دیا جائے لے لیتے ہیں، دونوں طرف سے پیسہ لیا جاتا ہے، اس کا شرعی بیان فرمائیں اور عنداللہ ماجور ہوں۔ (المستفتی : رفیق احمد، مالیگاؤں) ------------------------------------  بسم اللہ الرحمن الرحیم  الجواب وباللہ التوفيق : رشتہ کرانا ایک عمل ہے، لہٰذا اس پر اجرت لینا (خواہ طے کرکے ہو یا بغیر طے کیے ہو) جائز ہے، اور ایک فریق سے یا دونوں فریق سے اجرت لینا درست ہے، کیوں کہ یہ بھی دلالی کی ایک شکل ہے، جس کی فقہاء نے گنجائش لکھی ہے۔    قَالَ فِي التتارخانية : وَفِي الدَّلَّالِ وَالسِّمْسَارِ يَجِبُ أَجْرُ الْمِثْلِ، وَمَا تَوَاضَعُوا عَلَيْهِ أَنَّ فِي كُلِّ عَشَرَةِ دَنَانِيرَ كَذَا فَذَاكَ حَرَامٌ عَلَيْهِمْ. وَفِي الْحَاوِي: سُئِلَ مُحَمَّدُ بْنُ سَلَمَةَ عَنْ أُجْرَةِ السِّمْسَارِ، فَقَالَ: أَرْجُو أَنَّهُ لَا بَأْسَ بِهِ وَإِنْ كَانَ فِي الْأَصْلِ فَاسِدًا لِكَثْرَةِ التَّعَامُلِ وَكَثِيرٌ مِنْ هَذَا غَيْرُ جَائِزٍ، فَجَوَّ...

سوال : مفتی صاحب ! حج بدل سے متعلق رہنمائی فرمائیں کہ حج بدل کب کیا جاتا ہے؟ کیا کوئی شخص اپنی زندگی میں اپنا حج بدل کروا سکتا ہے؟ جواب عنایت فرمائیں اور عنداللہ ماجور ہوں۔ (المستفتی : محمد عفان، مالیگاؤں) ------------------------------------  بسم اللہ الرحمن الرحیم  الجواب وباللہ التوفيق : جس شخص پر حج فرض ہو، اور حج کا وقت بھی اسے مل گیا ہو، لیکن اس وقت حج ادا نہ کرسکا ہو اور فی الحال اس میں حج ادا کرنے کی بالکل استطاعت نہ ہو، یا ایسے مرض میں مبتلا ہوگیا کہ جس سے افاقہ کی بالکل امید نہیں ہے، جیسے لقوہ ہو گیا یا اندھا ہو گیا، یعنی سفر کرنے کی اس میں استطاعت نہ رہی ہو، تو ایسے شخص کے ذمے فرض ہوتا ہے کہ وہ اپنی طرف سے کسی کو بھیج کر حج کرائے، یا وصیت کرے کہ میرے مرنے کے بعد میرے مال میں سے حج کرایا جائے، اس کو حج بدل کہتے ہیں۔ حج بدل کی شرط یہ ہے کہ وہ بیماری موت تک برقرار رہے، اگر حج بدل کروانے کے بعد مریض میں اتنی استطاعت آگئی کہ سفر کرسکتا ہے، تو پھر دوبارہ اس پر لازم ہوگا کہ بذات خود حج کرے۔ حج بدل کرنے والے کو بس یہ نیت کرنا ہے کہ میں فلاں کی طرف سے حج کررہا ہوں، بقیہ اعم...

سوال : محترم مفتی صاحب ! درود ناریہ کیا ہے؟ اس کی فضیلت کیا ہے؟ اور کیا یہ حدیث شریف سے ثابت ہے؟ جواب عنایت فرمائیں اور عنداللہ ماجور ہوں۔ (المستفتی : محمد اطہر، مالیگاؤں) ------------------------------------  بسم اللہ الرحمن الرحیم  الجواب وباللہ التوفيق : درود ناریہ کو شیخ احمد رفاعی یا شیخ ابراہیم التازی الوہرانی رحمھما اللہ نے بنایا ہے۔ اور اسے درود ناریہ اس وجہ سے کہا جاتا ہے کہ یہ آگ کی طرح تیزی سے مشکلات کو ختم کرتی ہے۔ البتہ اس کا خیال رہنا چاہیے کہ درود ناریہ کے الفاظ اور اس کی فضیلت نبی کریم صلی اللہ علیہ وسلم سے ثابت نہیں ہیں۔ درود ناریہ درج ذیل ہے : الَلّٰھُمَّ صَلِّ صَلٰوةً كَامِلَةً وَّسَلِّمْ سَلَامًا تَآمًا عَلٰى سَیَّدِنَا وَ مَوْلَانَامُحَمَّدِ نِ الَّذِيْ تَنْحَلُّ بِهِ الْعُقَدُ وَ تَنْفَرِجُ بِهِ الْکُرَبُ وَتُقْضٰى بِهِالْحَوَائِجُ وَ تُنَالُ بِهِ الرَّغَائِبُ وَحُسْنُ الْخَوَاتِيْمِ وَ یُسْتَسْقَى الْغَمَامُبِوَجْهِهِ الْكَرِیْم وَ عَلٰى آلِهِ وَ أَصْحَابِهِ فِيْ كُلِّ لَمْحَةٍ وَّ نَفَسٍبِعَدَدِ كُلِّ مَعْلُوْمٍ لَّكَ یَا اَللّٰهُ یَا اَللّٰهُ یَااَلل...

سوال :  محترم مفتی صاحب ! اِن دنوں کچھ شر پسند ایک یا چند مسلمانوں کو گھیر کر زبر دستی جے شری رام یا دیگر کفریہ جملے ادا کرنے کے لئے دباؤ ڈالتے ہیں، بعض اوقات انکار کی صورت میں زدو کوب کرتے ہیں حتّٰی کہ اُس مسلمان کی جان بھی لے لیتے ہیں، ایسی حالت میں پھنسے مسلمان کو بادلِ ناخواستہ وہ کفریہ جملے ادا کرنے پڑتے ہیں ورنہ جان جانے کا خطرہ ہو جاتا ہے، تو ایسے میں شریعت کیا راستہ اپنانے کی طرف رہنمائی کرتی ہے؟ جواب دے کر مشکور فرمائیں۔ (المستفتی : خورشید عالم، پونہ) ------------------------------------ بسم اللہ الرحمن الرحیم الجواب وباللہ التوفيق : جس شخص کو کلمۂ کفر کہنے پر اس طرح مجبور کردیا جائے کہ اگر وہ یہ کلمہ نہ کہے تو اس کوقتل کردیا جائے گا یا اس کو سخت جانی نقصان پہنچایا جائے گا تو ایسی مجبوری کی صورت میں اگر وہ زبان سے کلمۂ کفر کہہ دے، لیکن اس کا دل ایمان پر جما ہوا ہو اور وہ اس کلمۂ کفر کو باطل اور بُرا جانتا ہو تو اس پر کوئی گناہ نہیں۔ کیونکہ اللہ تعالیٰ کی طرف سے اس کے لئے رخصت ہے کہ وہ جان بچانے کے لئے مجبوراً یہ کلمہ کہہ دے اور دل میں اپنے ایمان پر قائم رہے۔ اس سلسلے میں...

سوال :  محترم مفتی صاحب ! نو چندی جمعرات کیا ہے؟ اور کب آتا ہے؟ اسکا کیا مطلب ہے؟ بہت سے لوگوں کا کہنا ہے اس دن دعائیں تمنائیں پوری ہوتی ہیں۔اس جمعرات کی رات میں عبادات کرنا زیادہ افضل ہے۔ اس کی کیا حقیقت ہے؟ (المستفتی : محمد اسلم، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : ہر قمری اور اسلامی مہینے کی پہلی جمعرات کو بعض لوگ نوچندی یعنی نئے چاند کی جمعرات کہتے ہیں۔ اس جمعرات سے متعلق عوام میں متعدد بے بنیاد اور غلط عقائد مشہور ہیں، مثلاً اس جمعرات کو شرعاً افضل سمجھنا، دعا کی زیادہ قبولیت کا موقع سمجھنا اور مزارات پر حاضری دینا وغیرہ۔ جبکہ نبی کریم صلی اللہ علیہ و سلم سے قمری مہینے کی پہلی جمعرات کی کوئی فضیلت ثابت نہیں ہے، لہٰذا نوچندی جمعرات کو دیگر جمعرات سے افضل سمجھنا اور یہ سمجھ کر اس میں خصوصیت سے عبادت کرنا اور دعا کرنا دین میں زیادتی ہے جو شرعاً بدعت اور گمراہی ہے جس سے بچنا ضروری ہے۔ عَنْ عَائِشَةَ رضی اللہ عنہا قَالَتْ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : مَنْ أَحْدَثَ فِي أَمْرِنَا هَذَا مَا لَيْسَ...

سوال : ایک شخص نے شہر کے مضافات میں ایک پلاٹ خریدا، خریدتے وقت اس کی نیت یہ تھی کہ اگر یہاں بستی آباد ہوئی تو گھر بنا کر رہنے آئیں گے یا اگر پلاٹ کا اچھا دام مل جائے تو بیچ دیں گے تو کیا ایسے پلاٹ پر زکوٰۃ دینا ہوگا یا نہیں؟ (المستفتی : صغیر احمد، پونے) ------------------------------------ بسم اللہ الرحمن الرحیم الجواب وباللہ التوفيق : کوئی زمین خریدتے وقت یہ نیت ہو کہ اسے ذاتی استعمال میں لایا جائے گا، مثلاً پلاٹ پر مکان، کارخانہ یا دوکان وغیرہ بناکر اسے خود استعمال کرے گا یا اسے کرایہ سے دے گا یا پھر اگر مناسب قیمت آئی تو اسے فروخت کردے گا تو اس زمین پر زکوٰۃ واجب نہیں ہے۔ مفتی سلمان صاحب منصورپوری لکھتے ہیں : کوئی چیز استعمال کے لئے خریدی، ساتھ میں یہ نیت تھی کہ نفع ملے گا تو بیچ دوں گا ورنہ رکھے رہوں گا تو اس پر زکوٰۃ واجب نہیں۔ (کتاب المسائل : ٢/٢١٥) صورتِ مسئولہ میں چونکہ اس شخص نے اپنے پلاٹ پر مکان بنانے کی بھی نیت کی ہے، صرف فروخت کرنے کی نیت سے پلاٹ نہیں خریدا ہے، لہٰذا اس پر زکوٰۃ واجب نہیں ہے۔ أو اشتریٰ شیئاً للقنیۃ ناویاً أنہ إن وجد ربحاً باعہ لازکاۃ علیہ۔ (طحطاوی ۳۹۱، ال...

سوال : مفتی صاحب ! ایک مسئلہ یہ ہے کہ تنخواہ کی بقایا رقم جو تقریباً ایک سال کی مدت کے بعد حاصل ہونے والی ہے اس پر زکوٰۃ واجب ہوگی یا نہیں؟ رہنمائی کی درخواست ہے۔ (المستفتی : قمر الدین، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : تنخواہ کی رقم جب تک وصول نہ ہوجائے وہ ملازم کی ملکیت میں شمار نہیں ہوتی، بلکہ یہ ادارہ، محکمہ اور مالک کے ذمہ واجب الادا ہوتی ہے، جسے دینِ ضعیف کہا جاتا ہے، لہٰذا صورتِ مسئولہ میں ایک سال کی  بقایا تنخواہ پر زکوٰۃ واجب نہیں ہے۔    وَأَمَّا سَائِرُ الدُّيُونِ الْمُقِرِّ بِهَا فَهِيَ عَلَى ثَلَاثِ مَرَاتِبَ عِنْدَ أَبِي حَنِيفَةَ - رَحِمَهُ اللَّهُ تَعَالَى - ضَعِيفٌ، وَهُوَ كُلُّ دَيْنٍ مَلَكَهُ بِغَيْرِ فِعْلِهِ لَا بَدَلًا عَنْ شَيْءٍ نَحْوُ الْمِيرَاثِ أَوْ بِفِعْلِهِ لَا بَدَلًا عَنْ شَيْءٍ كَالْوَصِيَّةِ أَوْ بِفِعْلِهِ بَدَلًا عَمَّا لَيْسَ بِمَالٍ كَالْمَهْرِ وَبَدَلِ الْخُلْعِ وَالصُّلْحِ عَنْ دَمِ الْعَمْدِ وَالدِّيَةِ وَبَدَلِ الْكِتَابَةِ لَا زَكَاةَ فِيهِ عِنْدَهُ حَتَّى يَقْبِضَ نِصَاب...

سوال :  محترم مفتی صاحب ! بعض لوگوں کو دیکھا جاتا ہے کہ تراویح کی پہلی رکعت میں بیٹھے رہتے ہیں، جب امام رکوع میں جاتے ہیں تو فوراً اٹھ کر نیت باندھ کر نماز میں شامل ہوتے ہیں۔ اس طرح تراویح پڑھنا کیسا ہے؟ (المستفتی : محمد عمران، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : تراویح میں بعض لوگوں کا بیٹھے رہنا اور جب امام رکوع میں جائے تو یہ لوگ بھی رکوع میں چلے جائیں تو ایسا کرنا مکروہ ہے، اور چونکہ انہوں نے قرآن مجید کا یہ حصہ تراویح میں نہیں سنا، بلکہ نماز کے باہر رہے تو ان کا قرآن ادھورا رہ جائے گا۔  حضرت مولانا مفتی یوسف لدھیانوی رحمہ اللہ لکھتے ہیں : تراویح میں ایک بار پورا قرآن مجید سننا ضروری اور سنتِ موٴکدہ ہے، جو لوگ امام کے ساتھ شریک نہیں ہوتے ان سے اتنا حصہ قرآنِ کریم کا فوت ہوجاتا ہے، اس لئے یہ لوگ نہ صرف ایک ثواب سے محروم رہتے ہیں، بلکہ نہایت مکروہ فعل کے مرتکب ہوتے ہیں، کیونکہ ان کا یہ فعل قرآنِ کریم سے اعراض کے مشابہ ہے۔ (آپ کے مسائل اور ان کا حل : ٣/١٩) لہٰذا ایسا عمل جس سے تراویح اور قرآن مجید کی بے اکرامی ہوتی ہو ...

یہاں سونا خریدنے کے لیے بھی لمبی لائن لگتی ہے ✍️ مفتی محمد عامر عثمانی ملی      (امام وخطیب مسجد کوہ نور) قارئین کرام ! شہر عزیز مالیگاؤں کو اللہ تعالیٰ نے بہت نوازا ہے۔ اگرچہ بعض لوگ تنگی اور مندے کی شکایت کررہے ہوں، لیکن حقیقت یہ ہے کہ یہاں آسودہ حال لوگوں کی بھی کمی نہیں ہے۔ اس کا اندازہ آپ کھانے پینے کی چھوٹی سے لے کر بڑی بڑی ہوٹلوں، بازاروں میں عام دوکانوں سے لے کر بڑے بڑے شوروم کی بھیڑ بھاڑ سے لگا سکتے ہیں۔ محترم قارئین ! فی الحال واقعہ یہ ہے کہ قلب شہر میں سونے چاندی کے زیورات کی ایک بہت بڑی دوکان کا بڑے تام جھام کے ساتھ افتتاح ہوا، اس کے لیے شہر کی ایک اہم شاہراہ گھنٹوں بند کردی گئی، اور چونکہ یہ دوکان ایک تنگ لیکن انتہائی مشغول سڑک پر ہے، اس لیے غالب گمان ہے کہ اب یہاں مستقل ٹرافک کا نظام درہم برہم رہے گا، اس لیے دوکان مالکان کو اس پر خصوصی توجہ دینے کی ضرورت ہے تاکہ راہ گیروں کو تکلیف نہ ہو اور تقویٰ کا مطلب باقی رہے، مذاق نہ بن جائے۔ معاذ اللہ ویسے مدعے کی بات یہ ہے کہ یہاں افتتاح کے بعد چند دنوں کے لیے کچھ آفرز رکھے گئے، جس کا لابھ اٹھانے کے لیے سونے کے زیورات...

✍️ مفتی محمد عامر عثمانی ملی      (امام وخطیب مسجد کوہ نور) قارئین کرام ! شہر عزیز مالیگاؤں میں جس طرح لڑکوں کی بنیادی دینی تعلیم سے لے کر اعلی دینی تعلیم کا معیاری نظم ہے، وہیں لڑکیوں کے لیے بھی بہت سے مدارس ومکاتب میں قرآن کریم کے حفظ کرنے کا معقول اور معیاری انتظام کئی سالوں سے جاری ہے، جس کے نتیجے میں گذشتہ چند سالوں سے ہر سال سو سے زائد لڑکیاں حفظ قرآن کریم کی عظیم سعادت سے مالا مال ہورہی ہیں۔ جس کی وجہ سے ان کی تراویح سے متعلق سوالات آتے رہتے ہیں جس پر مکمل رہنمائی کے لیے یہ مضمون ترتیب دیا گیا ہے۔ قرآن کریم یاد رکھنے کا ایک مؤثر طریقہ تراويح میں قرآن سنانا بھی ہے، اور جب باقاعدہ تراویح کی جماعت بنائی جائے گی تو وہ خواتین بھی جو تنہا تراویح پڑھنے میں غفلت اور سستی کا شکار ہوجاتی ہیں وہ بھی دلچسپی کے ساتھ جماعت میں شریک ہوجاتی ہیں، لہٰذا پاس پڑوس کی خواتین پردہ کی رعایت کے ساتھ کسی گھر میں جمع ہوجائیں اور وہاں عشاء کی نماز تنہاء ادا کرنے کے بعد کوئی بالغہ حافظہ انہیں باجماعت تراویح میں قرآن سنا دے تو اس کی گنجائش ہے۔ معلوم ہونا چاہیے کہ خواتین کی امامت خواتین کے حق م...

سوال : مفتی صاحب ! ایک بات یہ سنی گئی ہے کہ مرنے والوں کی روحیں شب برأت پر اپنے گھر آتی ہیں، اسی لیے بہت سی عورتیں شب برأت سے پہلے ہی گھروں کی صاف صفائی، رنگ وروغن کر لیتی ہیں، اس بات میں کتنی سچائی ہے؟ اور اس عقیدے سے ان کاموں کو انجام دینا کیسا ہے؟ رہنمائی فرمائیں۔ (المستفتی : محمد ذیشان، مالیگاؤں) ------------------------------------  بسم اللہ الرحمن الرحیم  الجواب وباللہ التوفيق : قرآن کریم کے بیان سے معلوم ہوتا ہے کہ مرنے کے بعد نیک لوگوں کی ارواح مقام عِلِّيِّينْ میں اور بُرے لوگوں کی ارواح مقام سِجِّیْنْ میں ہوتی ہیں، یعنی علیین نیکوں اور سجین بروں کا ٹھکانہ ہے۔ یہ مقام کس جگہ ہے اس کے متعلق حضرت برا بن عازب کی طویل حدیث میں ہے کہ نبی کریم صلی اللہ علیہ و سلم نے فرمایا کہ سبحین ساتویں زمین کے نچلے طبق میں ہے اور علیین ساتویں آسمان میں زیر عرش ہے۔ (مسند احمد) حکیم الامت علامہ تھانوی رحمۃ اللہ علیہ لکھتے ہیں : اگر تنعم میں مردہ ہے تو اسے یہاں آکر لیتے پھرنے کی ضرورت کیاہے؟ اور اگر معذب ہے تو فرشتگانِ عذاب کیوں کر چھوڑ سکتے ہیں کہ وہ دوسروں کو لپٹا پھرے۔ (اشرف الجواب : ۲؍...

سوال : محترم مفتی صاحب ! کسی قادیانی اور احادیث کا انکار کرنے والے شخص کا اسی حالت میں انتقال ہوجائے تو اس کی نماز جنازہ پڑھی جائے گی یا نہیں؟ کیا کفن سنت کے مطابق دیا جائے گا؟ اور اسے مسلمانوں کے قبرستان میں دفن کیا جائے گا؟ اور اگر کوئی اس کی نماز جنازہ پڑھا دے اور مسلمانوں کے قبرستان میں دفن کردے تو اس کے متعلق کیا حکم ہے؟ براہ کرم مدلل اور مفصل جواب عنایت فرمائیں اور عنداللہ ماجور ہوں۔ (المستفتی : عبداللہ، مالیگاؤں) --------------------------------------- بسم اللہ الرحمن الرحیم الجواب وباللہ التوفيق : قادیانی اور احادیث کا انکار کرنے والا شخص بغیر توبہ کے مرجائے تو اس پر شرعاً مرتد اور کافر کا حکم لاگو ہوگا۔ قادیانی اور منکرِ حدیث علماء اہل سنت والجماعت کے نزدیک متفقہ طور پر کافر ہے، اس لئے کہ قادیانی حضور اکرم صلی اللہ علیہ و سلم کے آخری نبی ہونے کا منکر ہوتا ہے، اسی طرح حدیث کا انکار دراصل قرآنِ کریم کا انکار ہے۔ (1) قرآن کریم میں اللہ تعالیٰ ارشاد فرماتے ہیں : وَلَا تُصَلِّ عَلَى أَحَدٍ مِنْهُمْ مَاتَ أَبَدًا وَلَا تَقُمْ عَلَى قَبْرِهِ إِنَّهُمْ كَفَرُوا بِاللَّهِ وَرَسُولِهِ و...

✍️ مفتی محمد عامر عثمانی  ملی      (امام وخطیب مسجد کوہ نور) قارئین کرام ! متعدد فکرمند احباب مسلسل اس طرف توجہ دلا رہے ہیں کہ ہمارے یہاں خواتین کے بائک پر بیٹھنے کی ہیئت دن بدن تبدیل ہوتی جارہی ہے اور حیا کے خلاف معاملات دیکھنے میں آرہے ہیں۔  بوقتِ ضرورت پردہ کی رعایت اور اپنے محرم مردوں اور شوہر کے ساتھ بائک پر بیٹھ کر آنے جانے میں شرعاً کوئی قباحت نہیں ہے۔ لیکن بائک پر اس طرح بیٹھا جائے جسے ہمارے یہاں سب سے محفوظ اور باحیا طریقہ سمجھا جاتا ہے کہ خواتین دونوں پیر ایک طرف کرکے بیٹھیں اور سہارے کے لیے ضرورت ہوتو ہاتھ بائک چلانے والے اپنے محرم مرد یا شوہر کے کاندھے پر رکھ لیا جائے، خواہ بائک چلانے والا مرد ہو یا عورت، پیچھے بیٹھنے والی خواتین کے لیے یہی طریقہ مناسب، محفوظ اور زیادہ ستر والا ہے۔  اب اس کے علاوہ اگر کوئی طریقہ اختیار کیا جائے تو اس سے غالب گمان یہ ہے کہ راستہ چلنے والے مردوں کی نظریں اس خاتون پر پڑے گی، بلکہ پڑتی ہیں، اور یہی وجہ ہے کہ اس کی طرف توجہ دلائی جارہی ہے۔ اور ایسا طریقہ اختیار کرنا جس سے مردوں کی نظریں عورت پر پڑے یہ درست نہیں ہے۔ ک...

   خدارا اس سے نجات دلا دیجیے  ✍️ مفتی محمد عامر عثمانی       (امام وخطیب مسجد کوہ نور) قارئین کرام ! کہا جاتا ہے کہ مالیگاؤں کا باوا آدم ہی نرالا ہے، یہاں کے سرکاری درباری کام کاج پہلے تو ہوتے نہیں، اگر ہوں بھی تو انتہائی سست رفتاری، غفلت اور غیرمعیاری طرز کے ہوتے ہیں۔ فی الحال انڈر گراؤنڈ ڈرینج کا کام جاری ہے، نئی پرانی بنی ہوئی سڑکوں کو کھود کر پائپ ڈالے جارہے ہیں۔ اور یہ کام بغیر کسی منصوبہ بندی اور ترتیب کے انتہائی لاپروائی اور سُست رفتاری کے ساتھ جاری ہے۔  پہلی بات تو یہی سمجھ میں نہیں آرہا ہے کہ  یہ انڈر گراؤنڈ گٹر ہے یا سنڈاس کے پائپ؟ کیوں کہ اس کے پائپ کی سائز پانچ چھ انچ ہے یہ ڈرینج، گٹر اور نالی کا کام تو بالکل نہیں کرسکتا۔ کیوں ہمارے یہاں جس حساب سے کچرے اور ڈائپر گٹروں میں ڈالے جاتے ہیں یہ پائپ پہلے ہی دن چوکپ ہوجائیں گے اور کئی سو کروڑ کی یہ اسکیم فیل ہوجائے گی۔ اندھیر تو اس وقت ہورہی ہے جب یہی کام ندی کے اُس پار ہوتا ہے تو وہاں پائپ لائن ڈالنے کے بعد گڑھوں کو فوراً ڈامر یا سمنٹ سے برابر کردیا جاتا ہے۔ لیکن ندی کے اِس پار جہاں م...

اللہ کے لیے اب باز آجائیں  ✍️ مفتی محمد عامرعثمانی ملی  (امام و خطیب مسجد کوہ نور) قارئین کرام! شہر عزیز مالیگاؤں میں ہر سال کی طرح امسال بھی شہر میں اتی کرمن ہٹاؤ مہم توڑ پھوڑ کے ساتھ جاری ہے۔ چوں کہ یہ ایک موقع ہوتا ہے کہ متاثرین اور انتظامیہ سے کچھ بات کی جائے، لہٰذا کچھ سنجیدہ، فکرانگیز اور مفید باتیں اتی کرمن کرنے والوں اور انتظامیہ سے اس مضمون اور سوشل میڈیا کے ذریعے کرنا چاہتے ہیں، اور دعا کرتے ہیں کہ اللہ تعالیٰ ہماری بات سب کے دلوں میں اتار دے۔ محترم قارئین ! متاثرین یعنی جن لوگوں نے سڑکوں پر اتی کرمن کر رکھا ہے ان تمام افراد سے مؤدبانہ، مخلصانہ اور عاجزانہ درخواست ہے کہ آپ اس حقیقت کو بہرحال تسلیم کرلیں کہ اتی کرمن اور سڑکوں پر قبضہ کرلینا شرعاً ناجائز اور گناہ کی بات ہے۔ اور اگر اس سے راستہ چلنے والوں کو تکلیف ہورہی ہے تو اس پر دوسروں کو تکلیف پہنچانے کا گناہ الگ ہوگا۔ یعنی یہ کوئی معمولی بات نہیں ہے بلکہ اس عمل پر احادیث مبارکہ میں سخت وعیدیں وارد ہوئی ہیں جن میں سے چند احادیث ملاحظہ فرمائیں۔ حضرت ابوہریرہ ؓ سے روایت ہے کہ رسول کریم صلی اللہ علیہ و سلم نے ارشاد فرم...

سوال : محترم مفتی صاحب ! کیا علماء کرام اور مفتیان کرام نے مسجدوں میں DSLR کیمرے سے فوٹو گرافی اور ویڈیو شوٹنگ کی اجازت دے دی ہے؟ بڑی دھوم سے امام صاحب اور دیگر علمائے کرام کی موجودگی میں نکاح سے لیکر دولہا، باراتی اور گلے ملتے ہوئے، مسجد کے اندر ہی شوٹنگ ہو رہی ہے۔ پہلے پہل یہ کام چوری چھپے، موبائل کیمرے سے خاموشی سے کر لیا جاتا تھا، مگر اب کئی جگہوں پر کھل کر ہو رہا ہے۔ براہ کرم اس پر رہنمائی فرمائیں۔ (المستفتی : عمران الحسن، مالیگاؤں) ------------------------------------  بسم اللہ الرحمن الرحیم  الجواب وباللہ التوفيق : ڈیجیٹل تصویر کے مسئلہ میں ہمارے علماء کے درمیان اختلاف ہے۔ جامعہ دارالعلوم کراچی اور جامعۃ الرشید کراچی، جامعہ بنوریہ عالمیہ کراچی وغیرہ کے مفتیان کرام کے نزدیک ڈیجیٹل  کیمرے سے لی گئی تصویر کا جب تک پرنٹ  نہ لیا گیا ہو یا اسے پائیدار طریقے سے کسی چیز پرنقش نہ کیا گیا ہو اس وقت تک اس تصویر پر ناجائز کا حکم نہیں ہے بلکہ یہ عکس ہے جیسے پانی کے سامنے جانے پر عکس نظر آتا ہے۔ بشرطیکہ اس تصویر یا ویڈیو میں نامحرم افراد نہ ہوں اور فحش مناظر نہ ہوں۔ دارالعل...

      ذرا نم ہو تو یہ مٹی بہت زرخیز ہے ساقی ✍️ مفتی محمد عامر عثمانی ملی        (امام وخطیب مسجد کوہ نور ) قارئین کرام ! دو دن پہلے بروز جمعرات 16 جنوری کو ہم نے میوزک اور گانوں پر ویڈیوز بناکر اسے سوشل میڈیا پر ڈالنے والے نوجوان لڑکوں، لڑکیوں اور بچوں کو تنبیہ کرنے والا ایک مضمون قرآن وحدیث کی روشنی میں لکھا تھا۔ جس میں ہم نے کسی مخصوص فرد کا نام نہیں لیا، نہ ہی کسی فرد واحد کو نشانہ بنایا اور نہ ان شاءاللہ بنائیں گے، بلکہ ہم نے مجموعی طور پر ان تمام لوگوں کو خیرخواہانہ انداز میں شریعت کا حکم بتانے کی کوشش کی تھی جو سوشل میڈیا پر خود گانے بناکر گاتے ہیں، یا دوسروں کے گانے گاتے ہیں، ناچتے ہیں، یہاں تک کہ مرد ہوکر عورتوں کی طرح ناچتے ہیں، چند لڑکیاں برقعے میں ہی صحیح اپنے آپ کی نمائش کرتی ہیں۔ اس لیے کسی ایک کو نشانہ بنانے کے بجائے سب پر حکمت اور مصلحت کے ساتھ محنت کی جائے اور سب کی اصلاح کی کوشش کی جائے۔ معزز قارئین ! ہمارا مضمون الحمدللہ ہزاروں کی تعداد میں پڑھا گیا، ضیاء الرحمن مسکان (گمشدہ بچوں کی تلاش) اور ان کے رفقاء نے اسے خصوصی طور پر شیئر کیا، ...

سوال : مفتی صاحب ! ایک جنازے میں مٹی دینے کے لئے جانا ہوا۔ ایک عجیب بات دیکھنے میں آئی کہ جنازے کے ساتھ مرحوم کے سر کے پاس ایک بوسیدہ قرآن شریف رکھا گیا اور پھر تدفین کا عمل مکمل کیا گیا۔ پوچھنے پر معلوم ہوا کہ مرحوم اپنی پوری زندگی یہی قرآن شریف کی تلاوت کیے ہیں۔ تو اسی لیے اس قرآن شریف کو اُن کے ساتھ ہی دفن کر دیا گیا۔ تو کیا یہ عمل درست ہے؟ (المستفتی : محمد عبداللہ، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : فقہاء کرام بالخصوص مشہور حنفی فقیہ علامہ شامی رحمہ اللہ نے لکھا ہے کہ قرآنی آیتیں اور دعائیں کفن کے اوپر لکھنا سخت بے ادبی ہے۔ اور جنہوں نے کفن پر لکھنے پر قیاس کیا ہے یہ قیاس ممنوع اور ساقط الاعتبار ہے، کیوں کہ جب میت کی ہڈی، گوشت گل جائیں گے، تو قرآن کی آیت اور دعاؤں کے الفاظ نجاستوں کے ساتھ ملوث ہوجائیں گے، یہ قطعاً درست نہیں ہے۔ لہٰذا صورتِ مسئولہ میں قرآن مجید میت کے ساتھ قبر میں رکھنا ایک ناجائز عمل ہوا، اس پر ندامت شرمندگی کے ساتھ توبہ و استغفار کرنا چاہیے۔  وَقَدْ أَفْتَى ابْنُ الصَّلَاحِ بِأَنَّهُ لَا يَجُوزُ أ...

خدارا اسے روک لیجئے ✍️ مفتی محمد عامر عثمانی ملی       (امام وخطیب مسجد کوہ نور ) قارئین کرام ! شہر عزیز مالیگاؤں اپنی نیک نامی میں دور دور تک مشہور ہے۔ جس میں عفت مآب خواتینِ اسلام کا اسلامی پردہ بھی اہم سبب ہے۔ لیکن وقفہ وقفہ سے بے پردگی، بے حیائی اور شریعت کی دھجیاں اڑا دینے والے واقعات شہرِعزیز کی نیک نامی اور اس کی مذہبی شناخت پر سوالیہ نشان لگانے کا کام کررہے ہیں۔ موبائل، انٹرنیٹ اور سوشل میڈیا کے دور میں ایک سنگین فتنہ بڑی تیزی سے پروان چڑھ رہا ہے۔ وہ فتنہ یہ ہے کہ شہر کے نوجوان لڑکوں کے ساتھ بچے اور بڑی تعداد میں لڑکیاں بھی ویڈیوز بناکر youtube, instagram وغیرہ پر اپلوڈ کررہی ہیں۔ بعض بچے اور بچیاں اپنے اسکول کی ویڈیوز اپلوڈ کررہی ہیں جس میں لڑکوں کے ساتھ لڑکیوں کی بھی تصویریں آجاتی ہیں۔  کچھ لڑکے اور لڑکیاں فیک اکاؤنٹ سے یہاں وہاں اور اِس کے اُس کے گھر کی ویڈیو اپلوڈ کرکے پوچھتے ہیں کہ یہ کہاں ہے؟ اور کمنٹ باکس میں سینکڑوں لوگ اس کا جواب بھی دیتے ہیں۔ جس سے معلوم ہوتا ہے کہ نوجوانوں کا ایک بہت بڑا طبقہ دینی اور دنیاوی تعلیم سے دور خرافات، منکرات اور فضولیات ...

✍️ مفتی محمد عامر عثمانی ملی      (امام وخطیب مسجد کوہ نور) قارئین کرام! تبلیغی جماعت کے اجتماعات الحمدللہ پوری دنیا میں ہوتے ہیں، اور جس علاقے میں ہوتے ہیں اس دن اس علاقے کی کیفیت ہی کچھ اور ہوتی ہے۔ لوگوں کا جوش وخروش اور اجتماع میں شرکت کی تڑپ قابلِ دید ہوتی ہے۔ اجتماعات سے بڑی تعداد میں لوگ اللہ کے راستے میں نکلتے ہیں اور خود کی اصلاح کے ساتھ دوسروں کی اصلاح کی کوشش بھی کرتے ہیں جو بلاشبہ بڑے اجر وثواب کا کام ہے۔ اجتماع کی اختتامی دعا میں لوگ دور دور سے اور بڑی عقیدت کے ساتھ پہنچتے ہیں، لیکن ایک بات کا احساس ہمیں اس وقت سے ہے جب ہم نے پہلی مرتبہ 2007 کے صوبائی اور تاریخی اجتماع میں شرکت کی تھی۔ یہ اجتماع تیسرے دن ظہر کے وقت ختم ہوا تھا۔ اس اجتماع میں اختتامی دعا ظہر سے کچھ پہلے شروع ہوئی تھی، اور دعا کے اختتام کے بعد ظہر کی نماز ہوئی جبکہ پچاس فیصد سے زائد مجمع گھروں کو روانہ ہوچکا تھا۔ اس کے بعد سے شہر میں متعدد ضلعی اجتماعات میں شرکت کا موقع ملا، اور ہر ایک میں یہی بات دیکھنے کو ملی کہ رات میں نو بجے کے آس پاس اختتامی دعا ختم ہوتی ہے اور اس کے بعد عشاء کی اذان اور پ...

سوال : مفتی صاحب ! مزاراتِ اولیاء پر چادر چڑھانا کیا بدعت نہیں ہے؟ اور کیا ابن عباس رضی اللہ عنہ کی روایت جعل فی قبر رسول اللہﷺ قطيفة حمراء سے مزار پر چادر چڑھانا ثابت ہوسکتا ہے؟ ایک صاحب کا کہنا ہے مزار پر چادر چڑھا سکتے میری پاس اس کی دلیل ہے میرے حساب سے دلیل وہی اوپر مذکور روایت ہے۔ بعض حضرات کا خیال ہےکہ ولیوں کی قبروں کا امتیاز ہونا مقصود ہوتا ہے اس لیے چادر چڑھانے کی گنجائش ہے۔ کیا شریعت کی روشنی میں یہ خیال صحیح ہے؟ (المستفتی : مسیّب رشید خان، جنتور) ------------------------------------  بسم اللہ الرحمن الرحیم  الجواب وباللہ التوفيق : قبروں پر چادر چڑھانا نبی کریم صلی اللہ علیہ و سلم، صحابہ کرام اور سلفِ صالحین سے ثابت نہیں ہے، بلکہ یہ بدعت، مکروہِ تحریمی اور ناجائز عمل ہے۔ سوال نامہ میں جو روایت آپ نے لکھی ہے وہ مسلم شریف میں موجود ہے :  حضرت ابن عباس رضی اللہ عنہما فرماتے ہیں کہ رسول کریم ﷺ کی قبر میں ایک سرخ لوئی (چادر) ڈالی گئی تھی۔ اس حدیث شریف کی تشریح میں علماء لکھتے ہیں کہ آنحضرت ﷺ کے ایک خادم تھے جن کا نام "شعران" تھا انہوں نے صحابہ کرام کی مرضی اور ان کی...

✍️ مفتی محمد عامر عثمانی       (امام وخطیب مسجد کوہ نور) قارئین کرام ! گذشتہ دنوں دیانہ کے ایک نوجوان کی آڈیو کال ریکارڈ واٹس اپ کافی وائرل ہوئی تھی، جس میں اس نوجوان نے دین اور خدا سے متعلق کچھ ایسی باتیں کہی تھیں جس کی وجہ سے شہر میں بے چینی پائی جا رہی تھی، اس کلپ میں اس نوجوان سے سوال کیا گیا کہ تیرا مذہب کیا ہے؟ تو اس نے کہا تھا کہ میرا مذہب "ہکوکا مٹاٹا" ہے۔ چنانچہ اس معاملے کو لے کر چند فکرمند نوجوان مثلاً مولانا سلمان، لئیق رحمانی اور حافظ سالک وغیرہ اس نوجوان سے ملے اور اسے دارالقضاء معہد ملت، مالیگاؤں لے کر پہنچے جہاں قاضی شریعت حضرت مولانا مفتی حسنین محفوظ صاحب نعمانی نے اس سے کئی اہم سوالات کئے اور مطمئن ہونے کے بعد اسے توبہ و استغفار کرایا، یہ نوجوان بھی الحمدللہ اسلام پر مطمئن ہے۔ اور اس نے پختہ عزم کیا ہے کہ آئندہ ان معاملات سے مکمل طور پر دور رہے گا اور اسلام پر قائم رہے گا۔ اللہ تعالٰی اسے استقامت عطا فرمائے اور ساری زندگی اسے اسلام پر قائم فرما کر ایمان پر خاتمہ فرمائے۔آمین  اس نوجوان سے دارالقضاء معہد ملت میں پوچھا گیا تھا کہ یہ ہکوکا مٹاٹا کہ...