عثمانی دارالافتاء

سوال : مفتی صاحب! میرے ایک دوست کا نام عبد العمران ہے۔ عمران نام کے ساتھ عبدل لگانا کیسا ہے؟ رہنمائی فرمائیں، نوازش ہوگی۔ (المستفتی : عرفان احمد، مالیگاؤں)  -------------------------------------------------  بسم اللہ الرحمن الرحیم  الجواب وباللہ التوفيق : عبد کے معنی بندہ کے آتے ہیں، اور یہ لفظ اللہ تعالیٰ کے ناموں کے ساتھ لگاکر کسی کا نام رکھا جاتا ہے، مثلاً : عبداللہ، اللہ کا بندہ، عبدالرحمن، رحمن کا بندہ وغیرہ ۔ معلوم ہونا چاہیے کہ اللہ تعالیٰ کو اپنے بندوں کی طرف سے عبدیت کا اظہار پسند ہے اور ان ناموں کے ذریعے عبدیت کا اظہار مکمل طور پر ہوتا ہے۔ اسی وجہ سے اللہ کے علاوہ کسی اور کے نام کی طرف عبد کی اضافت کرکے نام رکھنا جائز نہیں ہے، مثلاً : عبد النبی، عبد الحسین، عبد المصطفیٰ، عبدالکعبہ وغیرہ۔  حضرت ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے ارشاد فرمایا : لا يقولن احدكم : عبدي وامتي كلكم عبيد الله وكل نسائكم إماء الله ولكن ليقل غلامي وجاريتي وفتاي وفتاتي ولا يقل العبد : ربي ولكن ليقل : سيدي ترجمہ : ہرگز تم میں کوئی شخص نہ کہے کہ میرا بند...

سوال : مفتی صاحب ایک مسئلہ دریافت کرنا تھا وہ یہ کہ "یزید فاسق تھا" یہ علماء دیوبند کا عقیدہ ہے؟ یا نہیں ہے؟ اگر عقیدہ ہے تو اس عقیدے کا معیار کیا ہے؟ اس کی وضاحت مطلوب ہے۔ (المستفتی : عبداللہ فیصل گائیڈ، مالیگاؤں)  -------------------------------------------------  بسم اللہ الرحمن الرحیم  الجواب وباللہ التوفيق : یزید کے موضوع پر لکھنا کوئی عوامی فائدہ کا کام نہیں ہے، خود فقیہ الامت حضرت مولانا مفتی محمود حسن گنگوہی رحمہ اللہ نے لکھا ہے کہ یزید کے کفرو اسلام سے بحث کرنا نہ تو اعتقادی مسئلہ ہے کہ بغیر اس کے ایمان ہی معتبر نہ ہو، نہ ہی عملی مسئلہ ہے کہ اعمال شرعیہ اس پر موقوف ہوں، اس بحث میں پڑنا اپنے وقت عزیز کو ضائع کرنا ہے، وقت خدائے پاک کی طرف سے ایک بیش بہا خزانہ ہے اس کی قدر لازمی ہے، اس کو ضائع کردینا اور لایعنی میں صرف کردینا انتہائی ناقدری ہے۔ (فتاوی محمودیہ : ٤/٤٣٦) لیکن چونکہ آپ کا اصرار تھا اور فی الحال اس مسئلہ کو بحث کا موضوع بنایا جارہا ہے، لہٰذا اس کی سنگینی کے پیش نظر دو اہم فتاوی نقل کرکے اپنی بات عرض کروں گا جس سے بہت حد تک مسئلہ ھذا میں اہل سنت والجماعت ...

سوال : مفتی صاحب! کیا بچے کی پیدائش کے بعد ماں کا سوا مہینے تک گھر اندر ہی رہنا ضروری ہے؟ جیسا کہ گھر کی بڑی بوڑھی عورتیں سختی سے منع کرتی ہیں۔ رہنمائی فرمائیں۔ (المستفتی : محمد عبداللہ، مالیگاؤں) ------------------------------------------------- بسم اللہ الرحمن الرحیم الجواب وباللہ التوفيق : بچے کی ولادت کے بعد عورت کو جو خون آتا ہے اسے نفاس کہا جاتا ہے جس کی زیادہ سے زیادہ مدت چالیس دن ہوتی ہے۔ لیکن ان ایام میں زچہ کو گھر میں ہی رہنے کی شرعاً کوئی پابندی نہیں ہے۔ دارالعلوم دیوبند کا فتوی ہے : جی ہاں! پیدائش کے بعد چالیس دن کے دوران عورت اپنی ضرورت کے لیے باہر نکل سکتی ہے، یعنی جن کاموں کے لیے اور جن تقریبات میں عورت کا جانا عام دنوں میں جائز ہے، بچہ پیدا ہونے کے بعد مدتِ نفاس میں بھی ان کاموں کے لیے جانا یا ان تقریبات میں شرکت کرنا شرعاً جائز ہے۔ (رقم الفتوی : 157205) معلوم ہوا کہ بڑی بوڑھی خواتین کا یہ عمل بے بنیاد ہے جو غالباً غیر قوموں کی طرف سے آیا ہوا ہے، لہٰذا اسے ترک کرنا ضروری ہے، البتہ اگر طبی لحاظ سے زچہ کا ان ایام میں گھر سے نکلنا نقصان دہ ہوتو الگ بات ہے۔ عَنْ عَائِشَةَ ر...

سوال : مفتی صاحب! ید نے بکر کے ساتھ مل کر ایک کاروبار شروع کیا، دونوں کا کہنا ہے کہ ہم دو پارٹنر ہیں اور تیسرا پارٹنر ہم نے اللہ میاں کو بنایا ہے۔ کیا مفہوم ہوتا ہے اس بات کا؟ لوگوں کا کہنا ہے کہ ان کی اس شراکت داری کی وجہ سے انہیں بے پناہ برکت ہو رہی ہے، جس کام میں ہاتھ ڈالتے ہیں کماتے ہیں۔ (المستفتی : عمران الحسن، مالیگاؤں) ---------------------------------------------- بسم اللہ الرحمن الرحیم الجواب وباللہ التوفيق : کاروبار میں اللہ تعالٰی کو شریک اور پارٹنر بنانا درست ہے اور یہ عمل بلاشبہ باعث خیر وبرکت ہوگا۔ اس کے تین طریقے ہیں، ایک طریقہ تو یہ ہے کہ زبان سے نہیں کہا کہ نفع میں اتنا حصہ اللہ تعالی کا ہے، بلکہ صرف نیت کی کہ اتنا حصہ غریبوں کو دوں گا تو اس کی حیثیت نفلی صدقہ کی ہے، اسے کسی غریب کو دینا، مسجد بنوانا، مدرسہ کی تعمیر کروانا، یا کسی مال دار کو بنیتِ ثواب دینا وغیرہ سب درست ہے۔  دوسرا طریقہ یہ ہے کہ زبان سے کہا کہ منافع کا اتنا حصہ صدقہ کریں گے، لیکن اس کی صراحت کی گئی کہ صدقے کا یہ حصہ ہم بطورِ نذر لازم نہیں کررہے، بلکہ یہ نفلی صدقے کے طور پر ہم خرچ کریں گے تو اس کی ...

سوال :  حضرت عائشہ رضی اللہ عنہا سے کنزالعمال میں ایک روایت مروی ہے وہ فرماتی ہیں کہ میں نے حضرت صفیہ بنت رواحہ رضی اللہ عنہا سے عاریت پر ایک سوئی لے رکھی تھی اس سے میں حضور صلی اللہ علیہ وسلم کا کپڑا سیا کرتی تھی اندھیری رات میں وہ سوئی میرے ہاتھ سے گرگئی بہت تلاش کی نہیں ملی جب حضور صلی اللہ علیہ وسلم گھر میں تشریف لائے تو آپ کے چہرہ انور کے نور کی شعاؤں سے سوئی دکھائی دینے لگی میں نے ہنس کر سوئی اٹھالی۔ دیکھیۓ آپ کے حسن کا کیا عالم ہے کہ حسن حسی اور حسن مادی دونوں آپ میں جمع ہیں کہ آپ کا حسن و جمال تمام انسانوں کے حسن سے فائق ہے اور کسی کو ایسا حس عطا نہیں ہوا ہے جس کے حسن کے ذریعے سے تاریک رات میں چمک اور روشنی پیدا ہوجاتی ہو۔ (انوار ہدایت : ١١٦) محترم مفتی عامر عثمانی صاحب اس حدیث کی تصدیق فرما دیجئے۔ (المستفتی : خالد مسیح اللہ، مالیگاؤں)  -------------------------------------------------  بسم اللہ الرحمن الرحیم  الجواب وباللہ التوفيق : آپ کی ارسال کردہ روایت کو ابن عساکر نے تاریخ دمشق میں، ابو نعیم اصبھانی نے دلائل النبوۃ میں اور ابو العباس المقدسی نے التخریج م...

سوال : محترم مفتی صاحب! ایک واقعہ بیان کیا جاتا ہے کہ حضرت فاطمہ رضی اللہ عنھا کی تدفین کے وقت ان کی قبر سے مخاطب ہوکر حضرت ابوذر غفاری رضی اللہ عنہ نے کچھ باتیں کہی تھی، اس کے جواب میں قبر نے بھی کچھ کہا تھا۔ اس روایت کی تحقیق مطلوب ہے، رہنمائی فرمائیں۔ (المستفتی : محمد نعمان، مالیگاؤں)  -------------------------------------------------  بسم اللہ الرحمن الرحیم  الجواب وباللہ التوفيق : سوال نامہ میں مذکور واقعہ مکمل طور اس طرح بیان کیا جاتا ہے کہ حضرت فاطمہ رضی اللہ عنھا کا جب انتقال ہوا تو ان کا جنازہ چار آدمی حضرت علی ، حسن اور حسین اور حضرت ابوذر رضی اللہ عنھم اجمعین نے اٹھایا، پس جب ان کا جنازہ قبر کے کنارے رکھا گیا تو حضرت ابو ذر غفاری نے قبر سے خطاب فرمایا اے قبر! کیا تجھے خبر بھی ہے کہ ہم کس کے جنازے کو لائے ہیں؟ یہ فاطمة الزھراء رسول اللہ ﷺ کی بیٹی ہیں، یہ علی المرتضٰی کی زوجہ ہیں، یہ حضرت حسن اور حضرت حسین کی والدہ ہیں، تو ان سب نے قبر میں سے یہ آواز سنی کہ قبر کہہ رہی تھی کہ میں حسب و نسب بیان کرنے کی جگہ نہیں ہوں اور یقیناً میں تو عمل صالح کی جگہ ہوں اور مجھ سے...

                اہم وضاحت ✍️ مفتی محمد عامر عثمانی ملی        (امام وخطیب مسجد کوہ نور)  قارئین کرام ! کل سے سوشل میڈیا پر ایک بینر وائرل ہے جو مالیگاؤں کے امام باڑے کے باہر لگا ہوا ہے۔ اس پوسٹر پر ہمارے شہر کے بڑے علماء حضرت مولانا مفتی محمد اسماعیل صاحب قاسمی، حضرت مولانا محمد عمرین محفوظ صاحب رحمانی اور مولانا آصف شعبان صاحب کی تصویر اور نام موجود ہے۔ اس بینر کے وائرل ہوتے ہی، مختلف قسم کے تبصرے اور تحریریں بھی وائرل ہورہی ہیں، اس سلسلے میں ہم نے حضرت مولانا محمد عمرین محفوظ صاحب رحمانی سے رابطہ کیا تو معلوم ہوا کہ اس تاریخ کو وہ دوسری جگہ مصروف ہیں، اس لیے ان کی شرکت وہاں ممکن ہی نہیں ہے۔ انہوں نے اس جلسہ کی انتظامیہ سے معذرت بھی کی تھی کہ وہ شریک نہیں ہوں گے۔ لیکن اس کے باوجود با اصرار انہوں نے مولانا کا نام اور تصویر بینر پر ڈال دیا ہے۔ غالب گمان یہی ہے کہ بقیہ دو علماء کرام کے ساتھ بھی ایسا ہی کچھ معاملہ ہوا ہوگا۔ اور وہ بھی اس طرح کے کسی پروگرام میں شریک نہیں ہوں گے۔ ان شاءاللہ  ہماری رائے اس مسئلہ پر یہی ہے ک...

✍️ مفتی محمد عامر عثمانی     (امام وخطیب مسجد کوہ نور)  قارئین کرام! ٥ ستمبر یوم اساتذہ پر جہاں مختلف پروگرام ہوتے ہیں، وہیں کچھ سالوں سے اسکولوں میں طلباء وطالبات کا اپنے اساتذہ کو گفٹ دینے کا سلسلہ بھی چل نکلا ہے جو دن بدن بڑھتا جارہا ہے۔ ہم نے گذشتہ سال اس موضوع پر ایک مضمون بھی لکھا تھا کہ طلباء کا اپنے اساتذہ کو گفٹ اور تحفہ دینا ناجائز نہیں ہے، لیکن اس میں دیگر غریب اور غیرمستطیع طلباء کی دل آزاری نہیں ہونا چاہیے، اس لیے کہ مالدار حضرات تو اپنے بچوں کے اساتذہ کے لیے قیمتی سے قیمتی تحائف نظم کرلیں گے، لیکن غریب سرپرستوں کے لیے یہ کام بڑا مشکل ہے جس کی وجہ سے ان کے بچے احساس کمتری کا شکار ہوسکتے ہیں۔ اس بات کو شہر کے ایک معیاری اسکول، ارم پری پرائمری اسکول کے ذمہ داران نے محسوس کیا اور امسال ان کی طرف سے درج ذیل نوٹس جاری کیا گیا ہے۔ ارم پری پرائمری و پرائمری اسکول ارم اسکول میں زیر تعلیم طلبہ کے والدین سے بہت ہی مودبانہ التماس ہے کہ عنقریب 5 ستمبر 2025 ءيوم اساتذہ آنے والا ہے۔ آپ والدین کوئی بھی قسم کا تحفہ اساتذہ کے لیے نہ لائیں۔ ہم آپ کے خلوص کی قدر کرتے ہیں۔ ...

✍️ مفتی محمد عامر عثمانی ملی      (امام وخطیب مسجد کوہ نور)  محترم قارئین ! جیسا کہ ہم سب کو بخوبی اس بات کا علم ہے کہ ہمارے شہر میں ١٢ ربیع الاول کو عید میلاد النبی صلی اللہ علیہ و سلم کے نام پر ایک مخصوص طبقہ کی طرف سے جلوس نکالا جاتا ہے۔ لیکن دو سال پہلے 2023 میں ہندوؤں کے تہوار گنیش چترتھی کی رعایت میں یہ جلوس ١٢ ربیع الاول بروز جمعرات کے بجائے ١٣ ربیع الاول بروز جمعہ کو نکالا گیا تھا۔ اور اس بات کا بھی عوام الناس کو علم ہے کہ ہمیں اس مسئلے میں ان سے سخت علمی اختلاف ہے۔ لیکن ہمیں جو بات یہاں عرض کرنا ہے وہ یہ ہے کہ ایک خدا کی عبادت کرنے والے مسلمانوں کے ایک مخصوص طبقہ نے جب سینکڑوں معبودوں کی پوجا کرنے والوں کی رعایت میں اپنے ایک انتہائی اہم جلوس کی تاریخ آگے بڑھا سکتے ہیں تو ایک خدا، ایک رسول کی اطاعت کرنے والے مسلمانوں کے دوسرے طبقہ کے لیے کیا اتنی رعایت کرسکتے ہیں کہ جب جمعہ کے دن ان کا جلوس نکلے اور عین جمعہ کے وقت پچاسوں مساجد کے پاس سے گزرے تو ان کے جلوس کے ڈی جے، لاؤڈ-اسپیکر اور شور وغل کی آواز بند ہوجائے یا اتنی کم ہوجائے کہ مساجد میں قرآن کی تلاوت، وعظ و...

سوال : ایک مرتبہ حضرت عثمان جب نبی کریم صلی اللہ علیہ وسلم ،حضرت ابوبکر اور حضرت عمر کے ہمراہ حضرت عثمان کے گھر کی طرف چلے تو حضرت عثمان سارا راستہ نبی علیہ السلام کے قدم مبارک کی طرف دیکھتے رہے صحابہ کرام نے جب یہ بات نبی علیہ السلام کو بتائ تو آپ صلی اللہ علیہ وسلم نے حضرت عثمان سے اس کی وجہ دریافت کی، عرض کیا اے اللہ کے محبوب صلی اللہ علیہ وسلم آج میرے گھر میں اتنی مقدس ہستی آئی ہے کہ میری خوشی کی انتہا نہیں، میں نے نیت کی تھی کہ آپ جتنے قدم اپنے گھر سے چل کر یہاں آئیں گے میں اتنے غلام اللہ کے راستے میں آزاد کروں گا۔ (جامع المعجزات) محترم مفتی صاحب  اس حدیث کی تصدیق فرما دیں۔ (المستفتی : خالد مسیح اللہ، مالیگاؤں)  -------------------------------------------------  بسم اللہ الرحمن الرحیم  الجواب وباللہ التوفيق : سوال نامہ میں مذکور واقعہ مزید تفصیل اور اضافہ کے ساتھ جس میں حضرت علی اور حضرت فاطمہ رضی اللہ عنہما کا بھی ذکر ہے، سوشل میڈیا پر گردش میں رہتا ہے، لیکن یہ واقعہ کسی بھی حدیث کی کتاب میں مذکور نہیں ہے۔ بلکہ گیارھویں صدی ہجری کے ایک واعظ محمد الواعظ کی کتاب ...