ایرانی لیڈر کی موت اور ہمارا طرزِ عمل؟

✍️ مفتی محمد عامر عثمانی ملی 

     (امام وخطیب مسجد کوہ نور) 

قارئین کرام! تین دن پہلے ایران پر امریکہ اور اسرائیل کے مشترکہ حملے کی خبریں موصول ہوئی اور اسی کے ساتھ یہ اطلاع بھی ملی کہ اسی حملہ میں ایران اور پورے عالم روافض کے سب سے بڑے لیڈر اس حادثے میں مارے گئے ہیں۔ جیسے ہی اس خبر کی تصدیق ہوئی تو سوشل میڈیا پر جذباتی نوجوانوں (جنہیں نہ شریعت کا علم ہے اور نہ تاریخ کا) نے ایرانی لیڈر کی تصویریں اپنے اسٹیٹس اور سوشل میڈیا اکاؤنٹ پر لگانا شروع کردیا۔ کوئی اسے شہید کہہ رہا ہے تو کوئی اسے معاذ اللہ سیدنا حضرت حسین رضی اللہ عنہ سے تشبیہ دے رہا ہے، کوئی اسے شیر لکھ رہا ہے تو کوئی اسے عالم اسلام کا ہیرو قرار دے رہا ہے۔ غرض یہ کہ سوشل میڈیا پر بے گانی شادی میں عبداللہ دیوانوں کی بھیڑ لگی ہوئی ہے۔

معلوم ہونا چاہیے کہ ایران کی جنگ کوئی فلسطین اور غزہ والوں کے لیے نہیں ہے۔ یہ ان کی اپنی ذاتی لڑائی ہے جس میں یہ لوگ فلسطینی مسلمانوں کو چارہ اور پورے عالم کے مسلمانوں کو جذباتی بناکر دھوکہ میں ڈالے ہوئے ہیں۔

ہمارے ایمان کا حصہ یعنی حضور اکرم صلی اللہ علیہ کے جاں نثار صحابہ کرام رضی اللہ عنہم اجمعین کے بارے میں ان کے عقائد انتہائی دلسوز اور خطرناک ہیں، خامنہ ای کے پیشرو خمینی صاحب اپنے ایک بڑے رافضی عالم ملا باقر مجلسی کے بہت بڑے مداح ہیں اور اپنی کتاب "کشف الاسرار" میں رافضیوں سے اپیل کرتے ہیں کہ اس کی کتابیں پڑھا کریں۔ اسی مجلسی نے اپنی کتاب حق الیقین صفحہ ۳۶۷ پر بدترین بات لکھی ہے (جس کی نسبت معاذ اللہ) حضرت باقر رحمہ اللہ کی طرف کی ہے۔ 

ترجمہ : جب امامِ غائب ظاہر ہوں گے تو عائشہ کو قبر سے نکال کر ان پر حد لگائیں گے۔ معاذ اللہ 

روافض اپنے بارہ ائمہ کو انبیاء کرام علیہم السلام سے افضل بتاتے ہیں، حضرات شیخین حضرت ابوبکر صدیق اور حضرت عمر رضی اللہ عنہما کو مرتد کہتے ہیں۔ معاذ اللہ 

اس لیے ہم بھی انہیں ڈنکے کی چوٹ پر کافر کہتے ہیں، ان کی جنگ میں مارے جانے والے کسی بھی لیڈر کو شہید کہنے اور ان کے لیے دعائے مغفرت کو جائز نہیں سمجھتے۔ 

یہ بات بھی یاد رکھنا چاہیے کہ ہر مرتبہ دشمن کا دشمن دوست نہیں ہوتا۔ بسا اوقات وہ بھی آپ کا دشمن ہی ہوتا ہے۔ یہودی ہمارے دشمنِ اول ہیں، لیکن بظاہر ان کے دشمن یہ لوگ بھی ہمارے خیر خواہ نہیں ہیں۔

اسی طرح اس سلسلے میں عرب ممالک کا کردار بہت زیادہ افسوسناک اور مجرمانہ ہے، یہ لوگ امریکی اور اسرائیلی دہشت گردی کے خلاف آواز تو کیا اٹھاتے؟ بلکہ یہ خود ان کے معاون اور آلہ کار بنے ہوئے ہیں۔ اللہ تعالٰی انہیں اپنے اسلاف کے نقش قدم پر چلنے کی توفیق عطا فرمائے۔ آمین 

خلاصہ یہ کہ ایرانی لیڈر کی موت پر ہمیں نہ تو جشن منانا ہے اور نہ ہی بہت زیادہ غم منانے کی ضرورت ہے، جشن اس لیے نہیں منانا ہے کہ ایرانی لیڈر کی موت سے امریکہ اور اسرائیل جیسے اسلام اور مسلمانوں کے کٹر دشمنوں کو کسی نہ کسی درجہ میں تقویت ملی ہے۔ اور غم اس لیے نہیں منانا ہے کہ ایران اور ایرانی لیڈر کا کردار سنی مسلمانوں کے لیے انتہائی نقصان دہ رہا ہے۔ ان کے دامن لاکھوں شامی، عراقی، لبنانی سنی مسلمانوں کے خون سے رنگے ہوئے ہیں۔ اس لیے ان کو بھی اپنے انجام کو پہنچنا تھا۔

بہرحال جو کچھ بھی حالات بنے ہوئے ہیں، مجموعی طور پر مسلمانوں کے لیے اچھے نہیں ہیں۔ اس لیے ہمیں اپنے عقائد اور اعمال پر جمے رہنا ہے اور بحث ومباحثہ کے بجائے خاموش رہ کر دعا کرتے رہنا چاہیے کہ اللہ تعالیٰ عالم اسلام کی ہر قسم کی فتنہ سے حفاظت فرمائے اور مسلمانوں کو سربلندی عطا فرمائے۔ آمین ثم آمین