بدھ کے دن کسی کام کی ابتداء کرنے والی روایت کی تحقیق

-
سوال :

مفتی صاحب! ایسی کوئی حدیث ہے جس میں یہ بیان کیا گیا ہے کہ "بدھ کے دن جو بھی کام شروع کیا جائے، وہ ضرور مکمل ہوتا ہے" اس کی تحقیق بیان فرمائیں۔
(المستفتی : محمد عفان، مالیگاؤں) 
------------------------------------------------
بسم اللہ الرحمن الرحیم 
الجواب وباللہ التوفيق : سوال نامہ میں مذکور روایت "ما بُدِئَ بشيءٍ يومَ الأربعاءِ إلا تمَّ یعنی بدھ کے دن جو بھی کام شروع کیا جائے، وہ ضرور مکمل ہوتا ہے۔" کو محدثین بالخصوص علامہ ابن عراق کنانی، ملا علی قاری، علامہ زرقانی اور امام سخاوی رحمھم اللہ نے بے اصل اور غیر معتبر لکھا ہے، لہٰذا اس کی نسبت آپ صلی اللہ علیہ و سلم کی طرف کرنا اور اس کا بیان کرنا درست نہیں ہے۔

معلوم ہونا چاہیے کہ کام شروع کرنے کے لیے شرعاً کوئی خاص دن مقرر نہیں، کسی بھی دن اللہ تعالیٰ کی ذات پر توکل کرکے کام شروع کرسکتے ہیں۔ البتہ بدھ کے دن کسی کام کی شروعات، سلف صالحین کا معمول رہا ہے، اور اسے بہتر کہا گیا ہے۔ مطلب تجربہ سے بدھ کے دن کو سدھ یعنی اچھا پایا گیا ہے۔


ما بُدِئَ بشيءٍ يومَ الأربعاءِ إلا تمَّ
الراوي: - • ملا علي قاري، الأسرار المرفوعة (٢٩٤) • قيل لا أصل له أو بأصله موضوع

ما بُدئَ بشيءٍ يومَ الأربعاءِ إلا تَمَّ
الراوي: - • السخاوي، المقاصد الحسنة (٤٢٦) • لم أقف له على أصل

ما بُدئَ بشيءٍ يَومَ الأربِعاءِ إلّا تَمَّ.
الراوي: - • الزرقاني، مختصر المقاصد (٨٧٣) • لم أقف له على أصل

ما ابتُدئَ بشيءٍ يَومَ الأربِعاءِ إلّا تَمَّ.
الراوي: - • ابن عراق الكناني، تنزيه الشريعة (٢/٥٦) • لا أصل له۔فقط
واللہ تعالٰی اعلم
محمد عامر عثمانی ملی
03 رجب المرجب 1447

تبصرے

ایک تبصرہ شائع کریں

اس بلاگ سے مقبول پوسٹس

کیا ہے ہکوکا مٹاٹا کی حقیقت ؟

-
✍️ مفتی محمد عامر عثمانی       (امام وخطیب مسجد کوہ نور) قارئین کرام ! گذشتہ دنوں دیانہ کے ایک نوجوان کی آڈیو کال ریکارڈ واٹس اپ کافی وائرل ہوئی تھی، جس میں اس نوجوان نے دین اور خدا سے متعلق کچھ ایسی باتیں کہی تھیں جس کی وجہ سے شہر میں بے چینی پائی جا رہی تھی، اس کلپ میں اس نوجوان سے سوال کیا گیا کہ تیرا مذہب کیا ہے؟ تو اس نے کہا تھا کہ میرا مذہب "ہکوکا مٹاٹا" ہے۔ چنانچہ اس معاملے کو لے کر چند فکرمند نوجوان مثلاً مولانا سلمان، لئیق رحمانی اور حافظ سالک وغیرہ اس نوجوان سے ملے اور اسے دارالقضاء معہد ملت، مالیگاؤں لے کر پہنچے جہاں قاضی شریعت حضرت مولانا مفتی حسنین محفوظ صاحب نعمانی نے اس سے کئی اہم سوالات کئے اور مطمئن ہونے کے بعد اسے توبہ و استغفار کرایا، یہ نوجوان بھی الحمدللہ اسلام پر مطمئن ہے۔ اور اس نے پختہ عزم کیا ہے کہ آئندہ ان معاملات سے مکمل طور پر دور رہے گا اور اسلام پر قائم رہے گا۔ اللہ تعالٰی اسے استقامت عطا فرمائے اور ساری زندگی اسے اسلام پر قائم فرما کر ایمان پر خاتمہ فرمائے۔آمین  اس نوجوان سے دارالقضاء معہد ملت میں پوچھا گیا تھا کہ یہ ہکوکا مٹاٹا کہ...
Read more »

مستقیم بھائی آپ سے یہ امید نہ تھی

-
✍️ مفتی محمد عامر عثمانی ملی       (امام وخطیب مسجد کوہ نور ورکن تنظیم علماء ائمہ وحفاظ شہر مالیگاؤں)  قارئین کرام! جیسا کہ آپ حضرات کو اس بات کا بخوبی علم ہے کہ شہر عزیز کی نئی لیکن مؤثر تنظیم علماء، ائمہ وحفاظ شہر مالیگاؤں کی جانب سے ہفتہ عشرہ سے یہ تحریک چلائی جارہی تھی کہ جشن آزادی کے نام پر اسکولوں اور سڑکوں پر ناچ گانے اور ہلڑبازی نہ ہو۔ جس کے لیے تحریر اور تقریر کے ساتھ پریس کانفرنس بھی لی گئی۔ مستقیم (ڈگنٹی) بھائی گذشتہ سال آپ کے ایک قریبی ساتھی نے ایک مضمون بعنوان "مفتی عامر عثمانی حاضر ہو" لکھا تھا۔ جس میں ہمیں مخاطب کرکے شہری ایم ایل اے کے ساتھ جارہے چند نوجوانوں کی ہلڑبازی کی ویڈیو کی طرف اشارہ کرکے ان کے بارے میں بھی لکھنے کے لیے کہا گیا تھا۔ اُس وقت تنظیم کی جانب سے ایک ہنگامی میٹنگ حضرت مولانا عمرین محفوظ صاحب رحمانی کی موجودگی میں لی گئی تھی جس میں اس بات پر غور کیا گیا تھا کہ علماء کرام اگر غلط کاموں پر روکتے ٹوکتے ہیں تو ان کو نشانہ بنانے کی ایک غلط روایت شہر میں چل پڑی ہے اس کو فوری طور پر روکا جائے۔ اس میٹنگ کے اختتام پر قاضی شریعت حضرت مولان...
Read more »