عثمانی دارالافتاء

مفتی محمد عامر عثمانی ملی ابن نثار احمد    *(امام وخطیب مسجد کوہ نور، مالیگاؤں)* *(روح رواں عثمانی واٹس ایپ دارالافتاء)* ◾ ولادت وابتدائی تعلیم   اللہ رب العزت کی خاص عنایت اور فضل و کرم سے مفتی محمد عامر ابن نثار احمد کی ولادت 26؍ دسمبر 1989ء کو مالیگاؤں کے علمی و دینی ماحول سے لبریز محلہ نیاپورہ میں ہوئی۔ سادہ مگر دینی حمیت سے آراستہ گھرانے میں آنکھ کھولنے والے اس نونہال نے ابتدائی عصری تعلیم موتی پرائمری اسکول میں حاصل کی، جہاں کے جی سے لے کر ساتویں جماعت تک مسلسل محنت ولگن کے ساتھ تعلیمی سفر جاری رکھا۔ اسی دوران قرآن کریم کی ابتدائی تعلیم کے لیے رحمانی مسجد نیاپورہ کا رخ کیا، جہاں شہر کے مایہ ناز اور خوش الحان قاری، حضرت قاری رضوان صاحب پریاگی دامت فیوضہم کی زیرِ تربیت رہ کر نورانی قاعدہ اور ناظرہ قرآن کریم بالتجوید مکمل کیا۔ یوں چھوٹی سی عمر ہی میں قرآن کریم سے خاص شغف اور دینی ذوق نمایاں ہونے لگا جو آگے چل کر ایک عظیم علمی و دینی سفر کا پیش خیمہ ثابت ہوا۔ ◾ حفظِ قرآن مجید   ساتویں جماعت کے بعد عصری تعلیم کو خیرباد کہہ کر آپ نے قرآنِ کریم کو حفظ کرنے کا عزم کیا ...

سوال : مفتی صاحب! منکر نکیر کا سوال جواب دنیا سے رخصت ہونے والے کے ساتھ کب شروع ہو تا ہے؟ روح نکل جانے کے فوراً بعد یا قبر میں دفن کر دینے کے بعد؟ بعض لوگوں کو کئی دن بعد دفن کیا جاتا ہے؟ رہنمائی فرمائیں۔ (المستفتی : محمد ابراہیم، مالیگاؤں)  -------------------------------------------------  بسم اللہ الرحمن الرحیم  الجواب وباللہ التوفيق : بخاری ومسلم سمیت متعدد کتب احادیث کی روایات میں یہ مضمون وارد ہوا ہے کہ جب بندہ قبر میں رکھ دیا جاتا ہے اور اس کے اعزا و احباب واپس آتے ہیں تو وہ مُردہ ان کے جوتوں کی آواز سنتا ہے اور اس کے پاس قبر میں دو فرشتے آتے ہیں اور اس کو بٹھا کر اس سے سوال کرتے ہیں۔ ان روایات کی بناء علماء امت نے لکھا ہے کہ تدفین کے بعد قبر میں منکر نکیر سوال کرتے ہیں اگرچہ تدفین میں تاخیر کیوں نہ ہو۔ ہاں اگر جس کو قبر ہی میسر نہ آئے تو پھر اس کا معاملہ الگ ہے، وہ جہاں ہوگا منکر نکیر اس سے وہیں سوال کریں گے۔   عَنْ أَنَسٍ رَضِيَ اللَّهُ عَنْهُ عَنْ النَّبِيِّ صَلَّی اللَّهُ عَلَيْهِ وَسَلَّمَ قَالَ الْعَبْدُ إِذَا وُضِعَ فِي قَبْرِهِ وَتُوُلِّيَ وَذَهَبَ أَص...