آن لائن سونے چاندی کی تجارت کا حکم

سوال :

مفتی صاحب ! کیا online سونا یا پھر چاندی فون پے phone pe پر digital خریدنا اور وہیں پر بیچ دینا کیا جائز ہے؟ ایک بھائی کہ رہا ہے کی digital یعنی online سونا چاندی خریدنا درست نہیں ہے۔ آپ رہنمائی فرمائیں۔

(المستفتی : محمد سلمان، مالیگاؤں)

------------------------------------------------

بسم اللہ الرحمن الرحیم

الجواب وباللہ التوفيق : آن لائن کسی ایپ بشمول phone pe وغیرہ کے ذریعہ جو سونا چاندی خریدا جاتا ہے، سب سے پہلی بات یہ کہ وہ خارج میں موجود ہی نہیں ہوتا، یہی وجہ ہے کہ اس کی بیع شرعاً درست نہیں ہے۔ اور اگر بالفرض اس کو موجود مان لیا جائے تو اگرچہ اس کی بیع صحیح ہو جائے گی، لیکن اس پر حسی قبضہ کے بغیر اس کو آگے بیچنا جائز نہیں ہے، اور یہاں قبضہ کے بغیر اس کو آگے بیچا جاتا ہے، لہٰذا اس طرح کی تجارت جائز نہیں ہے اور اس کا نفع بھی حلال نہیں ہے۔

مِنْ حُكْمِ الْمَبِيعِ إذَا كَانَ مَنْقُولًا أَنْ لَا يَجُوزَ بَيْعُهُ قَبْلَ الْقَبْضِ۔ (الفتاویٰ الہندیۃ : ٣/١٣)فقط 

واللہ تعالٰی اعلم 

محمد عامر عثمانی ملی 

29 رجب المرجب 1447