عیدی کے لین دین کا شرعی حکم

-

سوال :

کیا فرماتے ہیں علماء دین ومفتیان شرع متین درمیان مسئلہ ھذا کے کہ عیدی کا لینا دینا شرعاً کیا حکم رکھتا ہے؟ مدلل رہنمائی فرمائیں۔
(المستفتی : محمد یسین، مالیگاؤں)
------------------------------------------
بسم اللہ الرحمن الرحیم
الجواب وباللہ التوفيق : حدیث شریف کے بیان کے مطابق ہدیہ تحفہ کا لین دین دلوں کی کدورت کو دور کرنے اور محبت میں اضافہ کا سبب ہے۔ لہٰذا کسی بھی وقت اس کا لین دین فائدہ سے خالی نہیں ہے۔

عید کا دن بلاشبہ مسلمانوں کے لیے بہت بڑی خوشی کا دن ہے۔ لہٰذا اس دن بچوں، رشتہ داروں، ما تحتوں اور ملازموں وغیرہ کو اپنی استطاعت کے مطابق برضا ورغبت ہدیہ کے طور پر عیدی دینا شرعاً جائز بلکہ مستحسن عمل ہے۔

روایات میں ملتا ہے کہ امام ابو حنیفہ رحمہ اللہ کے استاذ امام حماد رحمۃ اللہ علیہ پانچ سو افراد کو ایک ایک جوڑا اور ایک ایک سو درہم عید کے دن عنایت کیا کرتے تھے۔

عَنْ أَبِي هُرَيْرَةَ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ : تَهَادَوْا ؛ فَإِنَّ الْهَدِيَّةَ تُذْهِبُ وَحَرَ الصَّدْرِ۔ (سنن الترمذی، رقم : ٢١٣٠)

عَنْ عَطَاءِ بْنِ أَبِي مُسْلِمٍ عَبْدِ اللَّهِ الْخُرَاسَانِيِّ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : تَصَافَحُوا يَذْهَبِ الْغِلُّ، وَتَهَادَوْا تَحَابُّوا، وَتَذْهَبِ الشَّحْنَاءُ۔ (مؤطا امام مالک، رقم : ٢٦٤١)

وقالَ أحْمَدُ بنُ عَبْدِ اللهِ العِجْلِيُّ : كانَ أفْقَهَ أصْحابِ إبْراهِيمَ، وكانَتْ رُبَّما تَعْتَرِيهِ مُوتَةٌ وهُوَ يُحَدِّثُ. وبَلَغَنا : أنَّ حَمّادًا كانَ ذا دُنْيا مُتَّسِعَةٍ، وأنَّهُ كانَ يُفَطِّرُ فِي شَهْرِ رَمَضانَ خَمْسَ مائَةِ إنْسانٍ، وأنَّهُ كانَ يُعْطِيهِم بَعْدَ العِيدِ لِكُلِّ واحِدٍ مائَةَ دِرْهَمٍ۔ (سير اعلام النبلاء : ٥/ ٢٣٤)

وعَنِ الصَّلْتِ بنِ بِسْطامَ، قالَ : وكانَ يُفَطِّرُ كُلَّ يَوْمٍ فِي رَمَضانَ خَمْسِينَ إنْسانًا، فَإذا كانَ لَيْلَةُ الفِطْرِ، كَساهُم ثَوْبًا ثَوْبًا۔ (سیر اعلام النبلاء : ٢/٢٣٨)فقط
واللہ تعالٰی اعلم
محمد عامر عثمانی ملی
03 شوال المکرم 1443

تبصرے

ایک تبصرہ شائع کریں

اس بلاگ سے مقبول پوسٹس

لاڈلی بہن اسکیم کی شرعی حیثیت

-
سوال :  مفتی صاحب! ریاستی حکومت نے اسمبلی چناؤ کے پیش نظر لاڈلی بہن یوجنا اسکیم سامنے لائے ہے جس میں شادی شدہ ماں بہنوں کو جن کی عمر 21 سے 60 سال کے درمیان ہے 1500 روپے ماہانہ دینے کا اعلان کیا ہے۔ پوچھنا یہ تھا کہ کیا اس اسکیم سے ملنے والے پیسے کو استعمال میں لایا جا سکتا ہے؟ شریعت کی روشنی میں رہنمائی فرمائیں؟  (المستفتی : افضال احمد، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : حکومت کی جانب سے ملنے والی امداد خواہ الیکشن کے پیشِ نظر کیوں نہ ہو، اس کا قبول کرنا شرعاً جائز ہے کیونکہ یہ حکومت کی طرف سے تبرع اور احسان ہے۔ صورتِ مسئولہ میں مہاراشٹر حکومت کی جانب سے جاری کی گئی "میری لاڈلی بہن" اسکیم کا جائزہ لیا گیا، اس میں کوئی سود، جُوا یا پھر رشوت والی کوئی بات نہیں ہے۔ لہٰذا جن لوگوں میں مقررہ شرائط پائی جاتی ہوں ان کے لیے اس اسکیم کا فائدہ اٹھانا شرعاً درست ہے اور جب یہ مال ان کی ملکیت میں آجائے تو اس کا اپنے استعمال میں لانا یا کہیں اور لگا دینا سب درست ہے۔ نیز جب الیکشن کا موقع آئے تو ووٹ بہرحال انہیں امیدواروں کو دی جائے...
Read more »

بوہرہ سماج کا وقف ترمیمی قانون کی حمایت اور ہمارا رد عمل

-
✍️ مفتی محمد عامر عثمانی ملی       (امام وخطیب مسجد کوہ نور) قارئین کرام ! خبر ہے کہ داؤدی بوہرہ مذہب کے ایک وفد نے جمعرات کے روز وزیراعظم نریندر مودی سے ملاقات کی اور حالیہ منظور شدہ وقف ترمیمی قانون 2025 پر ان کا شکریہ ادا کیا اور یہ بھی باور کرایا کہ یہ قانون ان کی برادری کا دیرینہ مطالبہ ہے۔ اس خبر کے پڑھنے کے بعد کچھ باتیں ذہن میں آرہی ہیں جسے آپ حضرات کی بصارت اور بصیرت کے حوالے کرنا ضروری سمجھتے  ہیں۔ سب سے پہلے ہم یہ واضح کردینا چاہتے ہیں کہ بوہرہ اگرچہ اپنے آپ کو مسلمان کہتے ہوں یا سرکاری کاغذات میں انہیں مسلمان تسلیم کیا جاتا ہو، لیکن ہم انہیں مسلمان نہیں سمجھتے، اس لیے کہ ان کے بہت سے عقائد کفریہ ہیں۔ اور ان کے اعمال کی بات کی جائے تو انہیں مادر زاد برہنہ سادھو کے پیر پڑتے اور ناریل چڑھاتے دیکھا گیا ہے۔ دارالعلوم دیوبند کا فتوی ہے :  بوہرہ فرقہ اپنے عقائد کفریہ کی بنا پر کافر ومرتد اور دائرہٴ اسلام سے خارج ہے؛ اس سلسلے میں بعض لوگوں کی بات درست ہے، مسلمان ہونے کے لیے صرف نماز پڑھ لینا یا حج کرلینا کافی نہیں بلکہ اسلام لانے کے بعد ضروریاتِ دین کو ...
Read more »