محمد نام رکھنے کی فضیلت؟

-
سوال :

مفتی صاحب! حضور صلی اللہ علیہ وسلم نے فرمایا کہ جس نے اپنے بیٹے کا نام محمد یا احمد رکھا اس کو اور اس کے بیٹے کو جہنم کی آگ نہیں چھوئے گی۔ کیا یہ حدیث صحیح ہے؟ اور کیا یہ فضیلت تنہا "محمد" رکھنے پر ہوگی یا کسی اور نام کے ساتھ رکھنے پر بھی حاصل ہوگی؟ رہنمائی فرمائیں۔
(المستفتی : لئیق احمد، مالیگاؤں)
-------------------------------------------------
بسم اللہ الرحمن الرحیم
الجواب وباللہ التوفيق : آپ کی ارسال کردہ روایت بعض کتابوں میں ملتی ہے کہ نبی کریم صلی اللہ علیہ و سلم نے ارشاد فرمایا : جس نے اپنے پیدا ہونے والے بچے کا نام تبرکاً محمد رکھا، وہ اور اس کا بچہ دونوں جنتی ہوں گے۔ لیکن ماہرِ فن علماء علامہ قاوقجی، ابن جوزی، ذھبی، ابن قیم جوزیہ وغیرہ رحمھم اللہ نے اس روایت کو غیرمعتبر قرار دیا ہے، لہٰذا اس کی نبی کریم صلی اللہ علیہ و سلم کی طرف کرنا اور اس کا بیان کرنا درست نہیں ہے۔

معلوم ہونا چاہیے کہ "محمد" نام کے باعث برکت وسعادت ہونے کے لیے اتنا کافی ہے کہ یہ ہمارے آقا جناب محمد رسول اللہ صلی اللہ علیہ و سلم کا نام مبارک ہے اور خود آپ صلی اللہ علیہ و سلم نے "محمد" نام رکھنے کی ترغیب دی کہ میرے نام پر نام رکھو، البتہ میری کنیت اختیار نہ کرو۔ نیز آپ نے خود کئی بچوں کا نام "محمد"رکھا ہے۔

حضرات صحابہ وتابعین کے نام اگرچہ محمد یا احمد وغیرہ مفرد ہوتے تھے جیسے محمد بن ابی بکر، محمد بن طلحہ وغیرہ۔ جبکہ موجودہ دور میں ہمارے یہاں عجمی ممالک اکثر یہ نام مرکب رکھا جاتا ہے جیسے محمد عامر، محمد اطہر اور جمیل احمد، خلیل احمد، وغیرہ۔ تو واضح رہے کہ محمد نام رکھنے میں مفرد یا مرکب کی کہیں کوئی قید یا تفریق نہیں ملتی، جس طرح "محمد" مفرد نام رکھنا افضل ہے اسی طرح اگر اس نام کو کسی دوسرے نام کے ساتھ ملاکر رکھا جائے تو یہ بھی جائز بلکہ باعثِ برکت وسعادت ثابت ہوگا۔ ان شاءاللہ 

 
من وُلِد له مولودٌ فسماه محمدًا تبرُّكًا كان هو وولدُه في الجنةِ
الراوي: - • القاوقجي، اللؤلؤ المرصوع (٢٠٢) • موضوع

مَن وُلِدَ لَهُ مولودٌ فسمّاهُ محمَّدًا تبرُّكًا بِهِ كانَ هوَ ومولودُهُ في الجنَّةِ
الراوي: أبو أمامة الباهلي • ابن الجوزي، الموضوعات لابن الجوزي (١/٢٤١) • في إسناده من تكلم فيه • أخرجه قاضي المارستان في ((المشيخة)) (٤٥٣)، وابن الجوزي في ((الموضوعات)) (١/١٥٧) واللفظ لهما، والرافعي في ((التدوين في أخبار قزوين)) (٢/٣٤٣) باختلاف يسير

من وُلدَ له مولودٌ فسماه محمدًا تبركًا به كان هو والولدُ في الجنةِ
الراوي: - • ابن القيم، المنار المنيف (٥٢) • موضوع

عَنْ أَبِي هُرَيْرَةَ ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ : " تَسَمَّوْا بِاسْمِي، وَلَا تَكْتَنُوا بِكُنْيَتِي۔ (صحیح البخاری، رقم : ١١٠)فقط 
واللہ تعالٰی اعلم 
محمد عامر عثمانی 
19 ربیع الآخر 1447

تبصرے

  1. گمنام12 اکتوبر، 2025 کو 12:25 PM

    مفتی صاحب میرا سوال ہے کی آج کل ہمقرے شہر مالیگاؤں میں سوشیل میڈیا پر AI پر بنائی ہوئی ویڈیو نیوز بہت شیئر ہو رہو ہے جس میں آئی جنریٹڈ عورتوں کو حجاب یا غیر حجاب میں بتایا جا رہا ہے کیا اِس ترہے کی ویڈیو بنا نا جائز ہے اور اس ترہے کی ویڈیو شیئر کرنا کیسا ہے

    جواب دیںحذف کریں
  2. گمنام12 اکتوبر، 2025 کو 12:32 PM

    میں نے مولانا قاری احمد علی فلاحی صاحب کے ایک بیان میں سنا ھے کہ جس گھر میں بچہ پیدا ہو اور وہ اُس بچے کا نام محمد رکھےتو اس گھر میں کبھی فاقہ نھی آئے گا سچ ھے

    جواب دیںحذف کریں

ایک تبصرہ شائع کریں

اس بلاگ سے مقبول پوسٹس

کیا ہے ہکوکا مٹاٹا کی حقیقت ؟

-
✍️ مفتی محمد عامر عثمانی       (امام وخطیب مسجد کوہ نور) قارئین کرام ! گذشتہ دنوں دیانہ کے ایک نوجوان کی آڈیو کال ریکارڈ واٹس اپ کافی وائرل ہوئی تھی، جس میں اس نوجوان نے دین اور خدا سے متعلق کچھ ایسی باتیں کہی تھیں جس کی وجہ سے شہر میں بے چینی پائی جا رہی تھی، اس کلپ میں اس نوجوان سے سوال کیا گیا کہ تیرا مذہب کیا ہے؟ تو اس نے کہا تھا کہ میرا مذہب "ہکوکا مٹاٹا" ہے۔ چنانچہ اس معاملے کو لے کر چند فکرمند نوجوان مثلاً مولانا سلمان، لئیق رحمانی اور حافظ سالک وغیرہ اس نوجوان سے ملے اور اسے دارالقضاء معہد ملت، مالیگاؤں لے کر پہنچے جہاں قاضی شریعت حضرت مولانا مفتی حسنین محفوظ صاحب نعمانی نے اس سے کئی اہم سوالات کئے اور مطمئن ہونے کے بعد اسے توبہ و استغفار کرایا، یہ نوجوان بھی الحمدللہ اسلام پر مطمئن ہے۔ اور اس نے پختہ عزم کیا ہے کہ آئندہ ان معاملات سے مکمل طور پر دور رہے گا اور اسلام پر قائم رہے گا۔ اللہ تعالٰی اسے استقامت عطا فرمائے اور ساری زندگی اسے اسلام پر قائم فرما کر ایمان پر خاتمہ فرمائے۔آمین  اس نوجوان سے دارالقضاء معہد ملت میں پوچھا گیا تھا کہ یہ ہکوکا مٹاٹا کہ...
Read more »

مستقیم بھائی آپ سے یہ امید نہ تھی

-
✍️ مفتی محمد عامر عثمانی ملی       (امام وخطیب مسجد کوہ نور ورکن تنظیم علماء ائمہ وحفاظ شہر مالیگاؤں)  قارئین کرام! جیسا کہ آپ حضرات کو اس بات کا بخوبی علم ہے کہ شہر عزیز کی نئی لیکن مؤثر تنظیم علماء، ائمہ وحفاظ شہر مالیگاؤں کی جانب سے ہفتہ عشرہ سے یہ تحریک چلائی جارہی تھی کہ جشن آزادی کے نام پر اسکولوں اور سڑکوں پر ناچ گانے اور ہلڑبازی نہ ہو۔ جس کے لیے تحریر اور تقریر کے ساتھ پریس کانفرنس بھی لی گئی۔ مستقیم (ڈگنٹی) بھائی گذشتہ سال آپ کے ایک قریبی ساتھی نے ایک مضمون بعنوان "مفتی عامر عثمانی حاضر ہو" لکھا تھا۔ جس میں ہمیں مخاطب کرکے شہری ایم ایل اے کے ساتھ جارہے چند نوجوانوں کی ہلڑبازی کی ویڈیو کی طرف اشارہ کرکے ان کے بارے میں بھی لکھنے کے لیے کہا گیا تھا۔ اُس وقت تنظیم کی جانب سے ایک ہنگامی میٹنگ حضرت مولانا عمرین محفوظ صاحب رحمانی کی موجودگی میں لی گئی تھی جس میں اس بات پر غور کیا گیا تھا کہ علماء کرام اگر غلط کاموں پر روکتے ٹوکتے ہیں تو ان کو نشانہ بنانے کی ایک غلط روایت شہر میں چل پڑی ہے اس کو فوری طور پر روکا جائے۔ اس میٹنگ کے اختتام پر قاضی شریعت حضرت مولان...
Read more »