سوال :
کیا فرماتے ہیں علماء دین ومفتیان شرع متین درمیان مسئلہ ھذا کے ہندہ رمضان المبارک میں دن حیض سے پاک ہوئی تو اب وہ کیا کرے؟ بقیہ دن کس طرح گزارے گی؟ رہنمائی فرمائیں۔
(المستفتی : عتیق احمد، مالیگاؤں)
------------------------------------------
بسم اللہ الرحمن الرحیم
الجواب وباللہ التوفيق : اگر حیض یا نفاس والی عورت رمضان المبارک میں صبح صادق کے بعد پاک ہوئی ہے تو اب اس کے لیے غروب آفتاب تک کھانا پینا درست نہ ہوگا، بلکہ اس کے لیے روزہ داروں کی طرح رہنا ضروری ہوگا، اور یہ بھوکا پیاسا رہنا رمضان المبارک کے احترام اور صائمین سے تشبہ (روزہ داروں کی مشابہت) کی وجہ سے ہوگا۔ لیکن اس طرح رہنے کو روزہ نہیں کہا جائے گا، لہٰذا بعد میں اس روزے کی قضا لازم ہوگی۔
"يجب" على الصحيح وقيل يستحب "الإمساك بقية اليوم على من فسد صومه ولو بعذر ثم زال "وعلى حائض ونفساء طهرتا بعد طلوع الفجر۔ (مراقی الفلاح : ٢٥٥)فقط
واللہ تعالٰی اعلم
محمد عامر عثمانی ملی
17 رمضان المبارک 1443
جزاک اللہ خیرا و احسن الجزاء مفتی صاحب
جواب دیںحذف کریںMohd nasir
جواب دیںحذف کریںماشاءاللہ بہت عمدہ
جواب دیںحذف کریں