*آیتِ سجدہ تلاوت کرنے کے بعد رکوع کردے*
سوال :
سجدے کی آیت تلاوت کرنے بعد امام نے سجدہ کرنے کی بجائے رکوع کردیا۔ رہنمائی فرمائیں۔
(المستفتی : خلیل احمد، مالیگاؤں)
---------------------------------
بسم اللہ الرحمن الرحیم
الجواب وباللہ التوفيق : صورتِ مسئولہ میں اگر امام صاحب نے سجدہ کی آیت پڑھ کر فوراً یعنی تین آیتوں سے زائد فصل کئے بغیر رکوع کردیا تو نماز کے سجدہ میں سجدۂ تلاوت ادا ہوجائے گا، خواہ امام صاحب نے اس کی نیت کی ہو یا نہ کی ہو۔ البتہ افضل یہی ہے کہ سجدۂ تلاوت مستقل ادا کیا جائے تاکہ مقتدی حضرات تشویش میں مبتلا نہ ہوں اور یہ عمل انتشار کا سبب نہ بنے۔
ولو تلاھا في الصلاة سجدھا فیھا لا خارجھا، وتوٴدی برکوع صلاة إذا کان الرکوع علی الفور، إن نواہ، وتوٴدی بسجودھا کذالک أي علی الفور وإن لم ینو۔ (الدر المختار مع الشامي : ۲ /۵۸۵- ۵۸۷)فقط
واللہ تعالٰی اعلم
محمد عامر عثمانی ملی
15 رمضان المبارک 1441
کوئی تبصرے نہیں:
ایک تبصرہ شائع کریں