رات میں پھول پتوں کے توڑنے کا حکم

-

سوال :

محترم مفتی صاحب! بہت سے لوگ رات میں درخت اور پودے سے پھول، پتوں کو توڑنے سے منع کرتے ہیں، طرح طرح کی بات کرتے ہیں، آپ سے درخواست ہے کہ شریعت کی روشنی میں رہنمائی فرمائیں۔
(المستفتی : محمد مصدق، مالیگاؤں)
------------------------------------------
بسم اللہ الرحمن الرحیم
الجواب وباللہ التوفيق : بوقتِ ضرورت رات میں درختوں اور پودوں سے پھل، پھول اور پتوں کا توڑنا یا درختوں کو کاٹ ڈالنا شرعاً جائز اور درست ہے۔ قرآن و حدیث میں اس سلسلے میں کوئی ممانعت نہیں ہے۔

دارالعلوم دیوبند کا فتوی ہے :
لوگوں کا یہ کہنا کہ رات کے وقت درخت کے پتے پھل پھول توڑنا صحیح نہیں ہے کیوں کہ ان پر جنات سوتے ہیں یہ غلط بات ہے، شریعت میں اس کی کوئی اصل نہیں ہے۔ (رقم الفتوی : 175266)

اور جہاں تک ہمیں علم ہے سائنسی نقطہ نظر سے بھی یہ عمل درختوں اور پودوں کے لیے نقصان دہ نہیں ہے۔ لہٰذا بغیر کسی شرعی دلیل کے اس عمل کو ناجائز سمجھنا اور اس سے منع کرنا درست نہیں ہے۔

أَنَّ الْأَصْلَ فِي الْأَشْيَاءِ الْإِبَاحَةُ ..... الْمُبَاحُ غَيْرُ مَطْلُوبِ الْفِعْلِ وَأَنَّمَا هُوَ مُخَيَّرٌ فِيهِ۔ (شامی : ١/١٠٥)فقط
واللہ تعالٰی اعلم
محمد عامر عثمانی ملی
14 جمادی الاول 1443

تبصرے

ایک تبصرہ شائع کریں

اس بلاگ سے مقبول پوسٹس

لاڈلی بہن اسکیم کی شرعی حیثیت

-
سوال :  مفتی صاحب! ریاستی حکومت نے اسمبلی چناؤ کے پیش نظر لاڈلی بہن یوجنا اسکیم سامنے لائے ہے جس میں شادی شدہ ماں بہنوں کو جن کی عمر 21 سے 60 سال کے درمیان ہے 1500 روپے ماہانہ دینے کا اعلان کیا ہے۔ پوچھنا یہ تھا کہ کیا اس اسکیم سے ملنے والے پیسے کو استعمال میں لایا جا سکتا ہے؟ شریعت کی روشنی میں رہنمائی فرمائیں؟  (المستفتی : افضال احمد، مالیگاؤں) ------------------------------------ بسم اللہ الرحمن الرحیم الجواب وباللہ التوفيق : حکومت کی جانب سے ملنے والی امداد خواہ الیکشن کے پیشِ نظر کیوں نہ ہو، اس کا قبول کرنا شرعاً جائز ہے کیونکہ یہ حکومت کی طرف سے تبرع اور احسان ہے۔ صورتِ مسئولہ میں مہاراشٹر حکومت کی جانب سے جاری کی گئی "میری لاڈلی بہن" اسکیم کا جائزہ لیا گیا، اس میں کوئی سود، جُوا یا پھر رشوت والی کوئی بات نہیں ہے۔ لہٰذا جن لوگوں میں مقررہ شرائط پائی جاتی ہوں ان کے لیے اس اسکیم کا فائدہ اٹھانا شرعاً درست ہے اور جب یہ مال ان کی ملکیت میں آجائے تو اس کا اپنے استعمال میں لانا یا کہیں اور لگا دینا سب درست ہے۔ نیز جب الیکشن کا موقع آئے تو ووٹ بہرحال انہیں امیدواروں کو دی جائے...
Read more »

بوہرہ سماج کا وقف ترمیمی قانون کی حمایت اور ہمارا رد عمل

-
✍️ مفتی محمد عامر عثمانی ملی       (امام وخطیب مسجد کوہ نور) قارئین کرام ! خبر ہے کہ داؤدی بوہرہ مذہب کے ایک وفد نے جمعرات کے روز وزیراعظم نریندر مودی سے ملاقات کی اور حالیہ منظور شدہ وقف ترمیمی قانون 2025 پر ان کا شکریہ ادا کیا اور یہ بھی باور کرایا کہ یہ قانون ان کی برادری کا دیرینہ مطالبہ ہے۔ اس خبر کے پڑھنے کے بعد کچھ باتیں ذہن میں آرہی ہیں جسے آپ حضرات کی بصارت اور بصیرت کے حوالے کرنا ضروری سمجھتے  ہیں۔ سب سے پہلے ہم یہ واضح کردینا چاہتے ہیں کہ بوہرہ اگرچہ اپنے آپ کو مسلمان کہتے ہوں یا سرکاری کاغذات میں انہیں مسلمان تسلیم کیا جاتا ہو، لیکن ہم انہیں مسلمان نہیں سمجھتے، اس لیے کہ ان کے بہت سے عقائد کفریہ ہیں۔ اور ان کے اعمال کی بات کی جائے تو انہیں مادر زاد برہنہ سادھو کے پیر پڑتے اور ناریل چڑھاتے دیکھا گیا ہے۔ دارالعلوم دیوبند کا فتوی ہے :  بوہرہ فرقہ اپنے عقائد کفریہ کی بنا پر کافر ومرتد اور دائرہٴ اسلام سے خارج ہے؛ اس سلسلے میں بعض لوگوں کی بات درست ہے، مسلمان ہونے کے لیے صرف نماز پڑھ لینا یا حج کرلینا کافی نہیں بلکہ اسلام لانے کے بعد ضروریاتِ دین کو ...
Read more »