عثمانی دارالافتاء

سوال : محترم مفتی صاحب! مسجدوں کی جگہ، شاپنگ سینٹر، گھر کے کرایہ کے تعلق سے چند سوالات ذہن میں ہیں، آپ سے درخواست ہے کہ آپ اپنے علم کی روشنی میں، قرآن و حدیث کی رو سے ان پر تصفیہ فرما کر عوام الناس کے لئے تحریر فرما دیں۔ 1) بعض مساجد کے شاپنگ سینٹرس، ٹرسٹیان مساجد کے لئے، انکے عزیز و اقرباء کے لئے ہی مختص ہوتے ہیں، یہ تو ایسا ہے کہ اسکول کے مینجمنٹ میں آپ کے رشتہ دار ہیں تو آپ کو نوکری ملنا ہی ہے، ایسا کرنا، مطلب مساجد کی پراپرٹی پر اپنا حق جتانا کیا انکے لئے جائز ہے؟  2) کچھ جگہوں پر مسجد کی جگہ، (گھر، شاپنگ سینٹر) خالی کرنے کے لئے پیسوں کا مطالبہ بھی کیا جاتا ہے، (جبکہ کچھ واقعات ایسے بھی ہیں کہ غیر مسلم بھی بغیر پیسے لئے مسجد کی جگہ خالی کر دیتے ہیں) اس طرح مسجد کی جگہ خالی کرنے کے لئے پیسے مانگنا جائز ہے؟ یہاں ایک بات قابلِ ذکر ہے کہ انہیں بغیر ایڈوانس کے برسوں پہلے بسایا گیا ہو۔ اور اگر کچھ قلیل رقم دی گئی تھی تو اسکا آج سے موازنہ کرکے لاکھوں مانگتے ہیں، جبکہ کرایہ کا موازنہ آج کے حساب سے نہیں کرتے، مسجد کے سامنے ہی 4000 کرایہ چل رہا ہوتا ہے مگر خود 400 دینگے۔ (المستفتی : عمرا...

سوال : کیا فرماتے ہیں علماء دین ومفتیان شرع متین درمیان مسئلہ ھذا کے کہ مسجد کے بعض کرایہ دار کسی دوسرے کو شاپنگ سینٹر کرایہ سے دے بھی دیتے ہیں یعنی پوٹ بھاڑے کری کی صورت میں دیتے ہیں، مطلب یہ لوگ مسجد کو کرایہ وہی پرانا دینگے جو باپ دادا کے دور سے دیتے آئے ہیں (مثلاً 300 سے 500 روپے ماہانہ) اور سامنے والے سے آج کی قیمت وصول کرینگے، (یعنی کہ کم از کم 3000 سے 4500 ہزار ماہانہ تک) کیا انکا ایسا کرنا، اور یہ رقم انکے لئے جائز ہے؟ (المستفتی : عمران الحسن، مالیگاؤں) ------------------------------- بسم اللہ الرحمن الرحیم الجواب وباللہ التوفيق : صورتِ مسئولہ میں اگر ان لوگوں نے مسجد کے شاپنگ سینٹر میں مزید کوئی اضافہ اور تصرُّف نہیں کیا ہے، بلکہ جوں  کا  توں اصل کرایہ سے زیادہ کرایہ مثلاً مسجد کو پانچ سو کرایہ دے کر خود اسے چار ہزار کرایہ پر دیا جائے تو اُن کے لئے اصل  کرایہ یعنی پانچ سو سے زیادہ رقم حلال نہیں ہے، اس زائد رقم  کا  دوسرے کرایہ دار کو واپس کرنا ضروری ہے۔ البتہ اگر ان لوگوں نے اپنی رقم سے شاپنگ سینٹر میں کوئی اضافہ کیا، مثلاً اس کی تزئین کاری یعنی رنگ ورو...

سوال : محترم مفتی صاحب! ایک مسئلہ دریافت کرنا تھا وہ یہ کہ بہت سے نمازیوں کی پیشانی پر کالا نشان پڑجاتا ہے، جسے ہمارے یہاں نماز کا ٹیکہ بھی کہا جاتا ہے، کیا اس نشان کے بارے میں قرآن و حدیث میں کوئی فضیلت یا ذکر آیا ہے؟ اگر ہوتو برائے مہربانی باحوالہ جواب عنایت فرمائیں اور عنداللہ ماجور ہوں۔ (المستفتی : انصاری محمد صدیق، مالیگاؤں)  -------------------------------- بسم اللہ الرحمن الرحیم  الجواب وباللہ التوفيق : نمازی کی پیشانی پر پڑنے والے کالے نشان کی فضیلت میں کوئی آیت یا حدیث شریف نہیں ہے۔ بلکہ محدث سعید بن منصور نے اس کے متعلق تفسیر کے امام مجاہد سے دریافت کیا کہ قرآن کریم کی آیت : سِیْمَاہُمْ فِیْ وُجُوْہِہِمْ مِنْ اَثَرِ السُّجُوْدِ۔ ترجمہ : ان کی علامتیں سجدے کے اثر سے ان کے چہروں پر نمایاں ہیں۔ سے کیا وہ نشان مراد ہے، جو کثرت سجدہ کی وجہ سے پیشانی پر پڑ جاتا ہے؟ تو آپ نے اس کی تردید فرمائی اور کہا کہ اس سے مراد خشوع وخضوع ہے، اسی طرح حدیث شریف میں اس بات کی بھی وضاحت آئی ہے کہ اس آیت سے مراد مذکورہ نشان نہیں ہے، بلکہ اس سے مراد مؤمنین عابدین کے چہروں پر کثرت عبادت...

سوال : محترم مفتی صاحب! نادِ علی کیا ہے؟ نادِ علی کا پڑھنا اور اس سے منسوب عملیات کا کرنا/کروانا کیسا ہے؟ (المستفتی : ملک انجم، مالیگاؤں) -------------------------------- بسم اللہ الرحمن الرحیم الجواب وباللہ التوفيق : نادِ علی سے مشہور ہونے والا وظیفہ جسے شیعہ عالم مجلسی نے اپنی کتاب زادالمعاد (مفتاح الجنان) میں لکھا ہے اور یہیں سے یہ اہل بدعت کی کتابوں میں نقل ہوا ہے۔ اس کے بارے میں دارالعلوم دیوبند کا فتوی ملاحظہ فرمائیں : شیعہ حضرت علی رضی اللہ عنہ کی الوہیت کے قائل ہیں اور انھیں ”مشکل کشا“ کہتے ہیں، اور انھوں نے اپنے اس فاسد عقیدے کو رائج کرنے کے لیے مختلف پروپیگنڈے کیے یہاں تک کہ سنی لوگوں کی زبانوں پر بھی ”یا علی مشکل کشا“ چڑھ گیا، شیعوں نے اس کے لیے دو شعر بھی کہے ہیں : نادِ علیا مظہر العجائب تجدہ عونا لک في النوائب کل ہم وغم سینجلي بنبوتک یا محمد وبولایتک یا علي (ترجمہ : علی کو پکارو جو عجائبات ظاہر کرنے والے ہیں، تم مشکلات میں ان کو اپنا مددگار پاوٴگے، سارے رنج وغم دور ہوجائیں گے اے محمد آپ کی نبوت اور اے علی آپ کی ولایت کی بدولت) معلوم ہوا کہ ”ناد علی“ شیعو...

سوال : مفتی صاحب کچھ لوگ بستی میں وائے فائے کا پاسورڈ ہیک کرکے انٹرنیٹ چلاتے ہیں کیا ان کا یہ عمل درست ہے؟ (المستفتی : فیضان احمد، مالیگاؤں) -------------------------------- بسم اللہ الرحمن الرحیم الجواب وباللہ التوفيق : کسی کی چیز اس کی اجازت کے بغیر استعمال کرنا جائز نہیں ہے، متعدد احادیث میں اس کی ممانعت وارد ہوئی ہے۔ ابو حرہ رقاشی اپنے چچا سے روایت کرتے ہیں کہ رسول اللہﷺ نے فرمایا : خبردار کسی پر ظلم و زیادتی نہ کرو ! خبردار کسی آدمی کی ملکیت کی کوئی چیز اس کی رضامندی کے بغیر لینا حلال اور جائز نہیں ہے۔ حضرت عمران بن حصین رضی اللہ عنہ سے روایت ہے کہ رسول اللہﷺ نے ارشاد فرمایا : جس نے کسی کی کوئی چیز چھین لی اور لوٹ لی وہ ہم میں سے نہیں ہے۔ درج بالا احادیث سے معلوم ہوا کہ کسی کا وائی فائی اس کی اجازت کے بغیر استعمال کرنا یا ہیک کرلینا ناجائز اور سخت گناہ کی بات ہے، اگر کسی نے استعمال کرلیا ہے تو وائی فائی کے مالک سے جاکر معافی تلافی کرے اور اگر اس میں فتنے کا اندیشہ ہوتو اس کے لیے استغفار اور دعائے خیر کرے۔ عن أبي حرۃ الرقاشي عن عمہ رضي اللّٰہ عنہ قال: قال رسول اللّٰہ صلی اللّٰہ عل...

مفتی طارق مسعود صاحب سے چند سوالات ✍️ محمد عامرعثمانی ملی                     حضرت مولانا مفتی طارق مسعود صاحب دامت برکاتہم ایک جید عالم دین ہیں، بندہ ذاتی طور پر انہیں بہت پسند کرتا ہے۔ اور ان کے بیانات سننے کی لوگوں کو ترغیب بھی دیتا ہے۔ لیکن دو چار مسائل میں بندے کو ان سے اختلاف بھی ہے، ان میں ایک ترکی ڈرامہ ارطغرل ہے۔ اور اہل علم کے یہاں یہ بات مشہور ہے کہ جہاں اپنے بڑوں کی کسی بات پر کوئی اشکال ہو ان کے مقام ومرتبہ کا لحاظ کرتے ہوئے ان سے سوالات کرکے تشفی کرلینا چاہیے۔ 22 جون کے بیان میں آپ نے فرمایا کہ ارطغرل ڈرامہ سے متاثر ہوکر ایک شخص نے آپ کو تلوار ہدیہ کی، مجھے بتائیں پاکستان جیسے مسلم اکثریتی ملک میں اس تلوار کا کیا ہوگا؟ کس کافر کو اس تلوار سے واصل جہنم کیا جائے گا؟ اور کیا اب جنگیں تلوار سے لڑی جائیں گی؟ موجودہ حالات میں تلوار اور گھوڑوں کا کیا فائدہ ہے؟ آپ کہہ رہے ہیں کہ میں ان لوگوں کو ترغیب نہیں دے رہا ہوں جو ڈرامہ نہیں دیکھتے، لیکن آپ فضائل اس طرح سنا رہے ہیں کہ کبھی ڈرامہ نہ دیکھنے والا بھی یہ ڈرامہ دیکھ کر ہی رہے ...

سوال : کیا فرماتے ہیں علماء دین ومفتیان شرع متین درمیان مسئلہ ھذا کے کہ ایک پوسٹ واٹس اپ پر نظر سے گزری جس میں لکھا ہوا ہےکہ عورت کو مرد کی بہ نسبت نصف عقل ہوتی۔ جبکہ دیکھا جائے تو پڑھائی کے معاملے میں عورتیں مردوں سے عموماً آگے ہوتی ہیں، تو نصف عقل کا کیا مطلب ہوا؟ اور کیا ایسا کہنا درست ہے؟  (المستفتی : مشتاق احمد، مالیگاؤں)  ------------------------------- بسم اللہ الرحمن الرحیم  الجواب وباللہ التوفيق : بخاری شریف کی روایت ہے جس کے راوی حضرت ابوسعید خدری ہیں فرماتے ہیں کہ رسول اللہ عید الفطر یا عید الاضحیٰ کی نماز کے لئے عیدگاہ تشریف لے گئے تو آپ کا گزر عورتوں کی ایک جماعت کے پاس سے ہوا، آپ صلی اللہ علیہ و سلم نے ان کو مخاطب کرکے فرمایا : اے عورتوں کی جماعت ! تم صدقہ وخیرات کرو، کیونکہ میں نے تم عورتوں کی اکثریت کو دوزخ میں دیکھا ہے (یہ سن کر) عورتوں نے کہا : یا رسول اللہ! اس کا سبب؟ آنحضرت صلی اللہ علیہ و سلم نے فرمایا کہ : تم لعن طعن بہت کرتی ہو اور اپنے شوہروں کی نافرمانی وناشکری کرتی رہتی ہو، اور میں نے عقل ودین میں کمزور ہونے کے باوجود ہوشیار مرد کو بے وقوف بنا ...

والدہ کی میراث سے متعلق چند سوالات سوال : سوال نمبر 1 : والد کے انتقال کے بعد بہن، بھائی اور ماں کے حصے میں جو ترکے آئے ہیں، اگر ماں اپنی حیات ہی میں چاہے تو کیا اپنا ترکہ کسی ایک کو دے سکتی ہے؟ سوال نمبر 2 : ماں کے انتقال کے بعد وہ ترکہ بہن بھائیوں میں کس طرح تقسیم ہوگا؟ سوال نمبر 3 : اکثر دیکھا گیا ہے کہ جس بھائی یا بہن کے پاس ماں کی بقیہ زندگی گزرتی ہے وہ ماں کے انتقال کے بعد ماں کے حصے پر اپنا حق جتاتا ہے، کیا یہ مناسب ہے؟ سوال نمبر 4 : ماں، کیا اسی کو اپنا ترکہ مرنے سے پہلے دے سکتی ہے جس کے پاس وہ اپنی بقیہ زندگی گزارتی ہے؟ کیا یہ بقیہ بہن بھائیوں کے ساتھ انصاف ہو سکتا ہے؟ (المستفتی : عمران الحسن، مالیگاؤں) ---------------------------------- بسم اللہ الرحمن الرحیم الجواب وباللہ التوفيق : آدمی کی وفات کے بعد اس کے چھوڑے ہوئے مال کو ترکہ کہا جاتا ہے۔ اور زندگی میں وارثین کے درمیان جائداد تقسیم کردینے کو شریعت کی اصطلاح میں ہبہ کہتے ہیں، دونوں کے احکام الگ الگ ہیں۔ صورت مسئولہ میں والدہ اگر خود اپنی جائداد برضا ورغبت اپنے وارثین میں تقسیم کرنا چاہتی ہیں تو یہ ہبہ ...

سوال : مفتی صاحب ! سورہ فاتحہ نماز میں واجب ہے تو کیا پوری سورہ واجب ہے یا کچھ آیات؟ در اصل عشاء میں ایک آیت چھوٹ گئی ایسا لگا تو میں نے سجدہ سہو کر لیا تو کیا صحیح ہے؟ (المستفتی : مولانا اشفاق، پونے) ------------------------------- بسم اللہ الرحمن الرحیم الجواب وباللہ التوفيق : فرض نماز کی پہلی دو رکعتوں میں اور سنن و نوافل اور وتر کی ہر رکعت میں مکمل سورہ فاتحہ پڑھنا واجب ہے۔ ایک آیت بلکہ کوئی ایک کلمہ بھی چھوٹ جائے تو سجدۂ سہو واجب ہوگا۔ سجدۂ سہو کرلینے سے نماز صحیح ہوجائے گی۔ صورتِ مسئولہ میں آپ سے سورہ فاتحہ کی کوئی آیت چھوٹ گئی تھی تو آپ کے سجدۂ سہو کرلینے سے نماز درست ہوگئی۔   فیسجد للسہو بترک أکثرہا لا أقلہا؛ لکن في المجتبیٰ یسجد بترک اٰیۃ منہا وہو أولیٰ (درمختار) وفي الشامیۃ: وفیہ نظر؛ لأن الظاہر أن ما في المجتبیٰ مبني علی قول الإمام بأنہا بتمامہا واجبۃ وذکر الاٰیۃ تمثیل لا تقیید؛ إذ بترک شيء منہا اٰیۃ أو أقل وہو حرفاً لا یکون اٰتیاً بکلہا الذي ہو الواجب۔ (شامي، ۲؍۱۴۹، زکریا) وإن ترکہا في الأخریین لا یجب إن کان في الفرض، وإن کان في النفل أو الوت...

سوال : مفتی صاحب! واٹس اپ پر ایک پوسٹ نظر سے گذری جس میں حدیث شریف کے حوالے سے لکھا ہے کہ نمازِ کسوف میں دو مرتبہ رکوع کیا جائے گا۔ آپ براہ کرم وضاحت کے ساتھ یہ مسئلہ سمجھا دیں کہ حنفی مسلک میں دو رکوع کرنا صحیح ہے یا نہیں؟  (المستفتی : انصاری عبیدالرحمن، مالیگاؤں) -------------------------------- بسم اللہ الرحمن الرحیم الجواب وباللہ التوفيق : دو رکوع کے ساتھ صلاۃِ کسوف حضرت امام شافعیؒ کے نزدیک تو جائز ہے، مگر حضرت امام ابوحنیفہؒ کے نزدیک دو رکوع کرنا جائز نہیں ہے۔ اور حدیث شریف میں دو، تین، چار رکوع کی جو بات آئی ہے اس کا مدار اس پر ہے کہ حضور ﷺ نے اس نماز کے اندر لمبا رکوع فرمایا تھا، جس کی وجہ سے صف اول کے نمازیوں نے یہ سوچا کہ شاید آپ ﷺ نے رکوع سے سر اٹھا لیا ہے، چنانچہ انہوں نے سر اٹھا کر دیکھا تو پیچھے کی صف والوں نے بھی سر اٹھا لیا، اس کے بعد جب صف اول والوں نے دیکھا کہ حضور ﷺ رکوع ہی میں ہیں تو وہ لوگ دوبارہ رکوع میں چلے گئے اور پیچھے والوں نے یہ سمجھا کہ آپ ﷺ نے دو رکوع کئے ہیں اور اسی خیال کے مطابق روایت بیان کردی، اسی وجہ سے دو رکوع یا چار رکوع والی روایت صرف صحابیہ ...

سوال : مفتی صاحب! روٹھنا حضرت عائشہ کی سنت ہے اور منانا حضرت محمد صلی اللہ علیہ وسلم کی سنت ہے۔ کیا یہ درست ہے؟ (المستفتی : سفیان احمد، مالیگاؤں) -------------------------------- بسم اللہ الرحمن الرحیم الجواب وباللہ التوفيق : روٹھنا حضرت عائشہ رضی اللہ عنہا کی سنت ہے اور منانا حضرت محمد صلی اللہ علیہ وسلم کی سنت ہے۔ یہ الفاظ کسی حدیث، صحابہ کرام رضی اللہ عنہم یا فقہاء امت کے اقوال سے منقول نہیں ہیں۔ سب سے پہلی بات تو یہ ہے کہ حضرت عائشہ رضی اللہ عنہا کے روٹھنے کی یہ وجہ بالکل بھی نہیں ہوتی تھی کہ معاذ اللہ آپ صلی اللہ علیہ و سلم سے کبھی کوئی زیادتی ہوئی ہوگی، بلکہ میاں بیوی کے درمیان کسی بات پر روٹھنا اور منانا فطرت کا تقاضہ اور زیادتئ محبت کا ذریعہ ہے، لہٰذا اسے غلط نہ سمجھا جائے۔ بخاری ومسلم کی روایت میں ہے : حضرت عائشہ ؓ کہتی ہیں کہ ایک دن رسول کریم ﷺ مجھ سے فرمانے لگے کہ جس وقت تم مجھ سے خوش ہوتی ہو تو میں جان جاتا ہوں اور جب تم کسی دنیوی معاملہ میں مجھ سے ناراض ہوتی ہو جیسا کہ میاں بیوی کے درمیان کسی بات پر خفگی ہو جاتی ہے تو مجھے وہ بھی معلوم ہو جاتا ہے میں نے عرض کیا کہ " آ...

سوال : مفتی صاحب ! آج کل لوگ اپنی ٹوویلرگاڑی دیکر کچھ رقم بیس ہزار تیس ہزار سال دو سال کے لیے لیتے ہیں اور رقم دینے والا گاڑی کو استعمال بھی کرتا ہے پھر رقم لوٹا کر اپنی گاڑی واپس لے لیتے ہیں تو کیا ایسا کرنا جائز ہے؟ رہنمائی فرمائیں۔ (المستفتی : راشد حسین، دھولیہ) ------------------------------- بسم اللہ الرحمن الرحیم الجواب وباللہ التوفيق : کسی سے قرض لیا جائے تو اس کا واپس کرنا ضروری ہوتا ہے۔ اور واپسی یقینی بنانے کے لیے بطورِ ضمانت قرض دینے والے کے پاس اپنی کوئی چیز رہن اور گِروی رکھوانا شرعاً جائز اور درست ہے، لیکن مرتہن (جس کے پاس رہن رکھوایا گیا ہے) کے لیے مالِ مرہونہ (گروی رکھی ہوئی چیز) کو اپنے استعمال میں لانا جائز نہیں ہے، اگر راہن (گروی رکھنے والا) اجازت دے چکا ہو تب بھی اس کے استعمال کی شرعاً اجازت نہیں ہے، کیونکہ حدیث شریف میں آتا ہے کہ قرض دے کر نفع اٹھانا یہ سود کے زمرہ میں داخل ہوجاتا ہے۔ معلوم ہوا کہ صورتِ مسئولہ میں قرض دے کر مقروض کی گاڑی استعمال کرنا جائز نہیں ہے، بلکہ اس کے لیے ضروری ہے وہ گاڑی بحفاظت اپنے پاس رکھے اور رقم کی واپسی کے وقت اس کی گاڑی صحیح سلامت وا...

سوال : جناب مفتی صاحب! امید ہے کہ مزاج گرامی بخیر ہوگا۔ دریافت یہ کرنا ہے کہ عورت کی موجودگی کی کون کون سی صورتوں میں مرد کی نماز فاسد ہو جاتی ہے؟ (المستفتی : محمد ابراہیم اعجاز، مالیگاؤں) ------------------------------- بسم اللہ الرحمن الرحیم الجواب وباللہ التوفيق : مرد اور عورت کے ایک ساتھ نماز پڑھنے سے مراد اگر یہ ہو کہ نماز پڑھتے ہوئے مرد اور عورت دونوں ایک ہی ساتھ صف میں کھڑے ہوں، تو یہ مسئلہ اصطلاح میں ”محاذات“ کا مسئلہ کہلاتا ہے، اس کا شرعی حکم درج ذیل ہے : اگر کوئی مرد کسی عورت کے دائیں بائیں یا پیچھے اس کی سیدھ میں نماز پڑھے اور وہاں درج ذیل شرائط پائی جائیں تو مرد کی نماز فاسد ہوجائے گی، وہ شرائط یہ ہیں : 1) وہ عورت مشتہاۃ ہو، یعنی ہم بستری کے قابل ہو خواہ بالغ ہو یا نہ ہو، بوڑھی ہو یا محرم، سب کا حکم یہی ہے۔ 2) دونوں نماز میں ہوں، یعنی ایسا نہ ہو کہ ایک نماز میں ہے اور دوسرا نماز میں نہیں ہے۔ 3) مرد کی پنڈلی، ٹخنہ یا بدن کا کوئی بھی عضو عورت کے کسی عضو کے مقابلہ میں آرہا ہو۔ 4) یہ سامنا کم از کم ایک رکن (تین تسبیح پڑھنے کے بقدر) تک برقرار رہا ہو۔ 5) یہ اشتراک مطلق نماز میں پ...

سوال : کیا فرماتے مفتیان کرام اس مسئلہ میں کہ نکاح میں ساٹہ لوٹہ(زید کا عمر کی بہن سے نکاح کرنا اور عمر کا زید کی بہن سے نکاح کرنا) کرنا جائز ہے یا نہیں؟ اس میں دونوں طرف سے مہر بھی ادا کیا جاتا ہے؟ بعض دفعہ اس نکاح کے اندر ایسا ہوتا کہ اگر ایک طرف عورت پر ظلم ہوتا تو اسکے جواب میں دوسری طرف بھی ظلم کیا جاتا ہے۔ کیا یہ لا شغار فی الاسلام میں داخل ہے؟ لا شغار فی الاسلام کی تعریف بھی بیان کیجئے۔ اللہ تعالی آپ کی عمر میں برکت عطا فرمائے۔ (المستفتی : مسیب رشید خان، جنتور) ------------------------------- بسم اللہ الرحمن الرحیم  الجواب وباللہ التوفيق : اگر دو گھرانوں میں نکاح ہو یعنی زید کا نکاح عمر کی بہن سے اور عمر کا نکاح زید کی بہن سے ہورہا ہو اور ہر ایک کا مہر بھی مقرر ہو تو یہ صورت جائز اور درست ہے۔ عُرف میں اس نکاح کو وٹہ سٹہ/آٹہ ساٹہ/ساٹہ لوٹہ وغیرہ ناموں سے جانا جاتا ہے۔ یہ نکاح، لَاشِغار فی الاسلام میں داخل نہیں ہے۔ اب اگر کوئی صرف اس وجہ سے اپنی بہو یا بیوی کو پریشان کرے کہ اُس کے گھر میں اُن کی بہن بیٹی کو پریشان کیا جارہا ہے تو یہ سراسر ظلم اور نا انصافی ہے، لیکن اس کی وجہ س...

سوال : اگر کوئی شخص اپنی بیوی سے مہر کی رقم مانگ کر واپس لے لے تو اس سے نکاح پر کوئی اثر پڑے گا یا نہیں؟ رہنمائی کی درخواست ہے۔ (المستفتی : فہیم ابراہیم، مالیگاؤں) -------------------------------- بسم اللہ الرحمن الرحیم الجواب وباللہ التوفيق : اللہ تعالیٰ نے نکاح میں مقرر کردہ مہر کو خوش دلی سے ادا کرنے کا حکم دیا ہے۔ لہٰذا اگر کوئی مرد بیوی کو مہر ادا کردینے کے بعد بوقت ضرورت اسے مانگ لے اور بیوی خوش دلی سے اسے یہ رقم دے دے تو شرعاً اس میں کوئی قباحت نہیں ہے۔ قرآن کریم میں ارشاد باری تعالیٰ ہے :  وَآتُوْا النِّسَآئَ صَدُقٰتِہِنَّ نِحْلَۃً، فَاِنْ طِبْنَ لَکُمْ عَنْ شَیْئٍ مِنْہُ نَفْسًا فَکُلُوْہُ ہَنِیْئًا مَرِیْئًا۔ (سورۃ النساء، آیت : ۴)  ترجمہ : اور عورتوں کو ان کے مہر خوشی سے د یا کرو۔ ہاں ! اگر وہ خود اس کا کچھ حصہ خوش دلی سے چھوڑ دیں تو اسے خوشگواری اور مزے سے کھالو۔  البتہ اگر شوہر جبراً بیوی سے مہر کی رقم لے لے یا شوہر ایسے حالات بنادے کہ بیوی کو مجبوراً مہر کی رقم واپس کرنا پڑے تو ایسی صورت میں شوہر گناہ گار ہوگا، اور اس پر لازم ہوگا کہ وہ اتنی رقم بیوی کو وا...

سوال : مفتی صاحب! آج کل دیکھا جا رہا ہے کہ بہت سارے مسلم احباب کسی غیر مسلم ایکٹر، مشہور شخصیت یا سیاسی لیڈر کی موت پر، سوشل میڈیا پر  (RIP (Rest in peace کا اسٹیٹس لگاتے ہیں، کیا ایسا کرنا شرعاً درست ہے یا اسکی اجازت ہوسکتی ہے؟ (المستفتی : حافظ سعد، مالیگاؤں) -------------------------------- بسم اللہ الرحمن الرحیم الجواب وباللہ التوفيق : اسلام کا نقطۂ نظر یہ ہے کہ ایک شخص جو کفر کی حالت میں مرتا ہے و ہ خدا کا باغی ہے، اس لحاظ سے وہ یقیناً اس لائق ہے کہ اس سے بے تعلقی برتی جائے، یہ بے تعلقی، بے مروتی اور ناروا داری نہیں، بلکہ وفا شعاری اور انصاف کا تقاضا ہے۔ ہم دن رات دیکھتے ہیں کہ ملکوں اور حکومتوں کے باغیوں کو سزائے موت دی جاتی ہے اور اس کے ساتھ ہمدردی کو ایک طرح کی غداری سمجھا جاتا ہے، پس رب کائنات سے تمام انسانوں کا جو رشتہ بندگی ہے، اس کا تقاضا ہے کہ ایسے شخص کو معاشرہ کا باغی تصورکیا جائے اور اس سے بے تعلقی برتی جائے، اسلام نے اسی لئے دنیا میں گو عام انسانی رشتہ کے تحت ایسے لوگوں کے ساتھ مواسات اور غمخواری  کا حکم دیا ہے، لیکن آخرت جو صرف اہل ایمان کے لیے ہے اور جس کی مل...

سوال : مفتی صاحب خچر اور گدھے کا جھوٹا مشکوک ہے نا؟ تو اگر یہ کنویں میں گر جائے اور ان کا لعاب پانی میں مل جائے تو اس مشکوک پانی کو مطلق پانی کرنے کے لیے کتنے ڈول نکالے جائیں گے؟ (المستفتی : مولانا اشفاق، پونے) --------------------------------- بسم اللہ الرحمن الرحیم الجواب وباللہ التوفيق : پالتو گدھے اور خچر کا جھوٹا مشکوک ہے۔ مشکوک پانی اسے کہتے ہیں جو بذاتِ خود پاک تو ہو لیکن اس کے مُطہّر یعنی پاک کرنے والا ہونے میں شک اور توقف ہو، یہی جمہور کا مذہب ہے۔ یعنی اگر مشکوک پانی کے علاوہ پاک یا مکروہ پانی نہ ملے تو اس سے وضو کرکے تیمم بھی کیا جائے گا۔ ان دونوں کو جمع کرنا واجب ہے۔ ان میں سے کسی ایک پر اکتفاء کرنا جائز نہیں۔ اور افضل یہ ہے کہ پہلے وضو یا غسل کرے پھر تیمم کرے۔ صورتِ مسئولہ میں گدھا یا خچر اگر کنویں میں گرجائے اور ان کا لعاب پانی میں مل جائے جبکہ کنواں دہ در دہ یعنی دس بائے دس (225 اسکوائر فٹ) سے کم ہوتو یہ پانی ماء قلیل ہونے کی وجہ سے مشکوک ہوجائے گا، لہٰذا اس پانی کو مطلق پانی یعنی مطہر کرنے کے لیے پورا کنواں خالی کیا جائے گا، چند ڈول نکالنے سے پانی مطلق نہیں ہوگا۔ البتہ ...

سوال : محترم مفتی صاحب! کیا غسل خانہ میں مکمل طور پر برہنہ غسل کرسکتے ہیں؟ یا ستر ڈھک کر غسل کرنا ضروری ہے؟ برہنہ حالت میں وضو کرلیا گیا تو اس کا کیا حکم ہوگا؟ مدلل جواب ارسال فرمائیں عین نوازش ہوگی۔ (المستفتی : محمد فاروق، مالیگاؤں)  -------------------------------- بسم اللہ الرحمن الرحیم  الجواب وباللہ التوفيق : ایسی جگہیں جہاں کسی کی نظر پڑنے کا اندیشہ نہ ہو وہاں برہنہ غسل کرنے میں شرعاً کوئی حرج نہیں۔ آج کل غسل خانے ایسے ہی ہوتے ہیں جن میں بے پردگی کا بالکل بھی اندیشہ نہیں ہوتا۔ لہٰذا ان میں مکمل برہنہ غسل کرنا بلاکراہت جائز اور درست ہے، ستر کا ڈھکنا ضروری نہیں۔ کیونکہ حضرت موسیٰ علیہ السلام اور حضرت ایوب علیہ السلام کے برہنہ نہانے کی شہادت صحیح احادیث سے ثابت ہے۔ (مستفاد: احسن الفتاوی ۲/ ۳۱، فتاوی محمودیہ ڈابھیل ۵/ ۹۲، محمودیہ میرٹھ ۸/ ۱۷۵، فتاوی عثمانی ۱/ ۳۴۶، آپ کے مسائل اور ان کاحل ۳/ ۱۱٩)  غسل سے پہلے وضو کرلینا مسنون ہے، چنانچہ جب پہلے وضو کیا جائے گا تو ظاہر ہے آدمی برہنہ ہی رہے گا۔جس سے معلوم ہوا کہ برہنہ ہونے سے وضو اور غسل پر کوئی فرق نہیں پڑتا۔ یہ عوامی غل...

سوال : محترم مفتی صاحب سوال یہ عرض ہے کہ کیا سجدے میں ناک زمین سے ٹکانا واجب ہے؟ کیا جو شخص سجدے میں ناک زمین سے نہ ٹکائے اسکی نماز درست نہیں ہوگی؟ (المستفتی : زیاد انظر، مالیگاؤں) ------------------------------- بسم اللہ الرحمن الرحیم الجواب وباللہ التوفيق : سجدہ کی حالت میں پیشانی اور ناک دونوں کا زمین پر ٹیک دینا ضروری ہے، البتہ کسی عذر کی بنا پر پیشانی اور ناک میں سے کسی ایک پر اکتفا کرنا بھی جائز ہے۔ بغیر کسی عذر کے صرف ناک پر سجدہ کرنے سے مفتی بہ قول کے مطابق نماز فاسد ہوجائے گی، جس کا اعادہ ضروری ہوگا۔ لیکن اگر بلاعذر صرف پیشانی پر سجدہ کیا جائے اور ناک کو زمین پر نہ ٹکایا جائے تو ایسی صورت میں نماز تو ادا ہوجائے گی، لیکن ایسا کرنا مکروہ تحریمی ہے۔ معلوم ہوا کہ سجدہ کی حالت میں ناک زمین پر ٹکانا واجب نہیں ہے۔ لہٰذا اگر سجدے کی حالت میں ناک زمین پر نہ رکھے تو نماز ہوجائے گی، لیکن بلاعذر ایسا کرنا مکروہ تحریمی ہے جس سے اجتناب ضروری ہے۔   وكمال السنة في السجود وضع الجبهة والأنف جميعاً ولو وضع أحدهما فقط إن كان من عذر لا يكره، وإن كان من غير عذر فإن وضع جبهته دون أنفه جاز إجماعا...

سوال : ولی کسے کہتے ہیں؟  ولی کون کون بن سکتا ہے؟  اور کیا باپ کی موجودگی میں بڑا بھائی ولی بن کر بہن کا نکاح کراسکتا ہے؟  مدلل جواب عنایت فرمائیں۔ (المستفتی : محمد عبداللہ، مالیگاؤں) ----------------------------- بسم اللہ الرحمن الرحیم الجواب وباللہ التوفيق : جس شخص کو شریعت نے کسی کے نکاح کرنے اور اس کے مال کی حفاظت کی ذمہ داری دی ہو اسے ولی کہا جاتا ہے۔ لڑکی اور لڑکے کا ولی سب سے پہلے اسکا باپ ہے، اگر باپ نہ ہو تو دادا، وہ نہ ہوتو پردادا، اگر یہ لوگ کوئی نہ ہو تو سگا بھائی، سگا بھائی نہ ہو تو سوتیلا بھائی یعنی باپ شریک بھائی، پھربھتیجا پھر بھتیجے کا لڑکا، پھر بھتیجے کا پوتا، یہ لوگ نہ ہوں تو سگا چچا، پھر سوتیلا چچا یعنی باپ کا سوتیلا بھائی، پھر سگے چچا کا لڑکا پھر اسکا پوتا، پھر سوتیلے چچا کا لڑکا، پھر اسکا پوتا، یہ کوئی نہ ہوتو باپ کا چچا ولی ہے، پھر اسکی اولاد، اگر باپ کا چچا اور اسکے لڑکے پوتے پرپوتے کوئی نہ ہوتو دادا کا چچا۔ پھر اسکے لڑکے پوتے پرپوتے وغیرہ، یہ کوئی نہ ہو تب ماں ولی ہے، پھر دادی، پھر نانی پھر نانا پھر حقیقی بہن پھر سوتیلی بہن جو باپ شریک ہو پھر جو ب...

سوال : مفتی صاحب ! زید کہتا ہیکہ لقمہ منہ میں سے گر جائے تو اسے نہیں کھانا چاہیے، وہ حرام ہو جاتا ہے۔  کیا زید کی بات درست ہے؟ (المستفتی : فیضان احمد، مالیگاؤں) ------------------------------ بسم اللہ الرحمن الرحیم الجواب وباللہ التوفيق : متعدد احادیث میں یہ مضمون وارد ہوا ہے کہ آپ صلی اللہ علیہ و سلم نے گوشت دانتوں سے نوچ کر کھایا ہے۔ شمائل ترمذی میں ہے : حضرت ابوہریرہ ؓ کہتے ہیں کہ (ایک دن ) رسول کریم ﷺ کی خدمت میں (پکا یا بھنا ہوا) گوشت لایا گیا، اس میں سے آپ ﷺ کو دست کا حصہ دیا گیا کیونکہ دست کا گوشت آپ ﷺ کو بہت پسند تھا چنانچہ آپ ﷺ نے اس کو دانتوں سے نوچ نوچ کے کھایا۔ مسلم شریف میں ہے : حضرت عائشہ صدیقہ ؓ فرماتی ہیں کہ میں حالت ایام میں پانی پی کر (وہ برتن) رسول اللہ کو دے دیا کرتی تھی آپ ﷺ اسی جگہ سے جہاں میرا منہ لگا ہوتا تھا منہ لگا کر پی لیتے اور کبھی میں ایام کی حالت میں ہڈی سے گوشت نوچ کر کھاتی پھر وہ ہڈی رسول اللہ ﷺ کو دے دیتی آپ ﷺ اسی جگہ پر منہ رکھ کر گوشت کو نوچتے جہاں سے میں نے منہ رکھ کر نوچا ہوتا تھا۔  درج بالا دونوں روایات سے معلوم ہوتا ہے کہ خود کے منہ سے ن...

خوشبو صرف کپڑے میں لگانا سنت ہے یا پھر ابرو، بھنویں اور داڑھی پر بھی لگانا سنت ہے؟ (المستفتی : محمد ابراہیم، مالیگاؤں) ------------------------------- بسم اللہ الرحمن الرحیم الجواب وباللہ التوفيق : الجواب وباللّٰہ التوفیق: کپڑوں کے علاوہ سر اور داڑھی میں بھی خوشبو لگانا نبی کریم صلی اللہ علیہ وسلم سے ثابت ہے۔ بخاری شریف میں ہے : حضرت عائشہ رضی اللہ عنہا فرماتی ہیں کہ مجھے جو بہترین خوشبو میسر آتی وہ میں نبی کریم صلی اللہ علیہ و سلم کو لگاتی، یہاں تک کہ اس خوشبو کی چمک مجھ کو آپ صلی اللہ علیہ و سلم کے سر اور داڑھی میں نظر آتی۔ البتہ بھووں اور ابرو پر خوشبو لگانا آپ علیہ السلام سے ثابت نہیں ہے۔ تاہم اگر کسی کو لگانا ہوتو لگاسکتا ہے، لیکن اسے سنت نہ سمجھے۔ عَنْ عَائِشَةَ رَضِیَ اللہُ عَنْہَا قَالَتْ : کُنْتُ أُطَيِّبُ النَّبِيَّ صَلَّی اللَّهُ عَلَيْهِ وَسَلَّمَ بِأَطْيَبِ مَا يَجِدُ حَتَّی أَجِدَ وَبِيصَ الطِّيبِ  فِي رَأْسِهِ وَلِحْيَتِهِ۔ (صحیح البخاري، حدیث نمبر : ۵۹۲۳)فقط  واللہ تعالٰی اعلم  محمد عامر عثمانی ملی  14 شوال المکرم 1441

سوال : مفتی صاحب! حاملہ خواتین بیٹھ کر نماز پڑھ سکتی ہیں؟ اور رکوع و سجدے اشارہ سے کرسکتی ہیں؟ (المستفتی : صغير احمد، جلگاؤں) ------------------------------- بسم اللہ الرحمن الرحیم الجواب وباللہ التوفيق : فرض، واجب اور سنتِ مؤکدہ نماز میں قیام کرنا ( یعنی کھڑے ہوکر نماز پڑھنا) فرض ہے، لہٰذا ان نمازوں میں اگر کوئی (چاہے مرد ہو یا عورت) بلا عذر قیام کو چھوڑ کر بیٹھ کر نماز پڑھتا ہے تو فرض کے چھوٹ جانے کی بنا پر اس کی نماز نہیں ہوگی، خلاصہ یہ ہوا کہ فرض، واجب اور سنتِ مؤکدہ نماز عورتوں کے لیے بھی بلا عذر بیٹھ کر پڑھنا جائز نہیں ہے، البتہ کوئی ایسا عذر (بیماری وغیرہ) ہو جس کی وجہ سے قیام (کھڑے ہونے) یا سجدہ کرنے پر قدرت نہ ہو تو پھر ان نمازوں کو بھی بیٹھ کر پڑھنے کی اجازت مردوں اور عورتوں دونوں کو ہے، نفل اور سنتِ غیر مؤکدہ نماز بلا عذر بھی بیٹھ کر پڑھنا مردوں اور عورتوں دونوں کے لیے جائز ہے، البتہ نفل یا سنتِ غیر مؤکدہ نماز بلا عذر بیٹھ کر پڑھنے کی صورت میں ثواب آدھا ملے گا۔ معلوم ہوا کہ حاملہ خواتین اگر نماز میں قیام پر قادر نہ ہوں یعنی انہیں اتنی طاقت نہ ہو کہ وہ کھڑے ہوکر نماز پڑھ سکی...

سوال : مفتی صاحب میرا سوال ہے کہ جمعہ کے خطبہ میں مقتدی کو کس طرح بیٹھنا چاہیے؟ اور مقتدی کی نظر امام پر رہے یا سجدے کی جگہ پر رہے؟ رہنمائی فرمائیں۔ (المستفتی : محمد شاداب، مالیگاؤں) ------------------------------ بسم اللہ الرحمن الرحیم الجواب وباللہ التوفيق : خطبہ بعینہٖ نماز نہیں ہے۔ اس لئے اس وقت نماز کی ہیئت اور کیفیت پر بیٹھنا ضروری نہیں۔ اور نہ ہی اس وقت بیٹھنے کی کوئی خاص ہیئت متعین کی گئی ہے، اصل مقصود ادب اور توجہ کے ساتھ بیٹھ کر خطبہ سننا ہے، اس لیے قبلہ رُخ یا امام کی طرف متوجہ ہوکر با ادب کسی بھی طریقے سے بیٹھنا جائز ہے، البتہ کسی ایسے طریقے پر بیٹھنا مکروہ ہے جس میں نیند آنے لگے یا سُستی ہونے لگے۔ چنانچہ بہتر یہ ہے کہ خطبہ کے دوران ایسے بیٹھے جیسے نماز کے تشہد میں بیٹھا جاتا ہے۔ لیکن نظر سجدہ کی جگہ نہیں، بلکہ اگر امام کے سامنے بیٹھا ہوتو امام کی طرف کرے اور اگر دائیں یا بائیں بیٹھا ہوتو قبلہ کی طرف رُخ کرکے بیٹھے۔ ويستحب للرجل أن يستقبل الخطيب بوجهه هذا إذا كان أمام الإمام، فإن كان عن يمين الإمام أو عن يساره قريباً من الإمام ينحرف إلى الإمام مستعداً للسماع، كذا في الخلاص...

سوال : مفتی صاحب! نکاح کے بعد سلام، مصافحہ و معانقہ کا شرعی حکم کیا ہے؟ براہ کرم مدلل جواب عنایت فرمائیں۔ (المستفتی : راشد حسین، دھولیہ) ------------------------------- بسم اللہ الرحمن الرحیم الجواب وباللہ التوفيق : نکاح کرنے والے کو بَارَكَ اللہُ لَكَ وَبَارَكَ عَلَيْكَ وَجَمَعَ بَيْنَكُمَا فِي خَيْرٍ ترجمہ : اللہ تجھ کو برکت دے اور تجھ پر برکت نازل کرے اور تم دونوں کو بھلائی پر جمع رکھے۔ ان الفاظ کے ساتھ دعا دینا اورمبارکباد کہنا یہ تو جائز ہے بلکہ نبی کریم صلی اللہ علیہ و سلم سے بھی ثابت ہے اس لئے اسے سنت کہا جائے گا۔ لیکن ہمارے یہاں نکاح ہوجانے کے بعد دولہا کھڑے ہوکر سلام کرتا ہے جو بعینہ سنت سے ثابت تو نہیں ہے، لیکن اسے الوداعی سلام پر محمول کرکے درست کہا جاسکتا ہے، نیز دولہے کو دعا دیتے وقت مصافحہ اور معانقہ کرنا بھی اگرچہ سنت نہیں ہے، لہٰذا اگر کوئی اسے سنت یا شریعت کا حصہ سمجھ کر نہ کرے تو اس میں شرعاً کوئی قباحت نہیں ہے۔ البتہ اگر کوئی اسے شرعی حکم یا سنت سمجھ کر انجام دے تو بلاشبہ یہ بدعت کہلائے گا۔ عن عائشۃ رضي اللّٰہ تعالیٰ عنہا قالت: قال رسول اللّٰہ صلی اللّٰہ علیہ وسلم: م...

سوال : محترم مفتی صاحب ! خواتین کے ہاتھ نیت باندھتے وقت اوڑھنی کے اندر ہی ہوتے ہیں اور رکوع میں بھی ہاتھ اندر ہی ہوتے ہیں، لیکن سجدے میں ہاتھ تھوڑا سا اوڑھنی کے باہر ہوجاتے ہیں تو کیا اس کی وجہ سے نماز پر کوئی اثر ہوگا؟ مدلل جواب مرحمت فرمائیں اور عنداللہ ماجور ہوں۔ (المستفتی : مختار احمد، مالیگاؤں)  -------------------------------- بسم اللہ الرحمن الرحیم  الجواب وباللہ التوفيق : عورتوں کی ہتھیلیاں نماز کی حالت میں ان کے لیے ستر نہیں ہیں جن کا چھپانا ضروری ہو، لہٰذا نماز کی حالت میں عورتوں کے لئے کپڑے سے باہر کھلا رکھنا جائز اور درست ہے، یہی راجح اور صحیح قول ہے۔ چنانچہ صورتِ مسئولہ میں اگر سجدہ کی حالت میں ہتھیلیاں کھل جائیں، تب بھی نماز پر کوئی اثر نہیں ہوگا۔ البتہ کلائیاں کھولنا جائز نہیں ہے اس لیے کہ کلائیاں ستر ہیں۔ اگر کلائیوں کا چوتھائی حصہ تین تسبیحات کے بقدر کھلا رہ گیا تو نماز فاسد ہوجائے گی۔ وللحرۃ جمیع بدنہا خلا الوجہ، والکفین، والقدمین۔ وتحتہ في الشامیۃ: وفي مختلفات قاضي خاں وغیرہا، أنہ لیس بعورۃ وأیدہ في شرح المنیۃ بثلاثۃ أوجہ، وقال: فکان ہو الأصح، وإن کان غیر...

سوال : کیا فرماتے ہیں علماء دین ومفتیان شرع متین درمیان مسئلہ ھذا کے کہ جنم دن، شادی کی سالگرہ وغیرہ منانا اور اس کی مبارکباد دینا شرعاً کیسا ہے؟  (المستفتی : فیضان احمد، مالیگاؤں)  ------------------------------- بسم اللہ الرحمن الرحیم  الجواب وباللہ التوفيق : غیر قوموں کے مذہبی طور طریقوں کو اختیار کرنا یا ان کےخصوصی شعار کو اپنانا حرام ہے۔ اور ان کے دیگر رسوم وعادات کو اپنانا مکروہ ہے، جن میں Birthday اور Marriage Anniversary بھی شامل ہیں۔ جنم دن اور شادی کی سالگرہ منانا رسول اللہ صلی اللہ علیہ وسلم صحابۂ کرام اور سلف صالحین ؒ سے ثابت نہیں، یہ مغربی قوموں سے متاثر ہونے کا نتیجہ ہے۔ چنانچہ جس طرح سالگرہ منانا مکروہ ہے اسی طرح اس کی مبارکباد دینا بھی مکروہ و ممنوع ہوگا۔ کیونکہ مبارکباد دینے میں اس عمل کی تائید پائی جاتی ہے۔ لہٰذا مبارکباد دینے سے بھی احتراز کرنا ضروری ہے۔ وفی سنن ابی داؤد (۲۰۳/۲): عن ابن عمر قال قال رسول اﷲﷺ من تشبہ بقوم فھو منھم۔ وفی صحیح ابن حبان (۲۷۵/۱): عن ابی موسی قال المرأ مع من احب۔فقط  واللہ تعالٰی اعلم  محمد عامر عثمانی ملی 02 صفر ا...

سوال : محترم مفتی صاحب ! اگر کسی شخص نے فجر کی نماز باجماعت ادا نہیں کی یا خدانخواستہ قضا بھی نہیں کی اور اسی طرح جمعہ کی نماز پڑھا دی تو کیا نماز جمعہ ادا ہوجائے گی یا اس نماز کو دوہرانا پڑے گا؟ تفصیل سے جواب عنایت فرمائیں۔ (المستفتی : محمد دانش، مالیگاؤں)  ------------------------------- بسم اللہ الرحمن الرحیم  الجواب وباللہ التوفيق : جس شخص نے فجر کی نماز باجماعت ترک کردی اور جمعہ کے وقت تک اسے قضا بھی نہیں کیا تو اس کی وجہ سے ایسا شخص بلاشبہ سخت گناہ گار ہوگا۔ لیکن اگر اس نے جمعہ کی نماز پڑھادی تو نماز ادا ہوجائے گی، اعادہ کی ضرورت نہیں۔ اس لیے کہ جمعہ یا کسی اور نماز کے صحیح ہونے کے لیے اس سے پہلی نماز کا ادا کرلینا شرط نہیں ہے۔ یہ مسئلہ صاحبِ ترتیب کے بارے میں ہے۔ جس کی تفصیل جاننے کے لیے ہمارا جواب "صاحبِ ترتیب اور اس کا حکم" اس لنک سے ملاحظہ فرمالیں۔ https://www.usmanidarulifta.in/2018/12/blog-post_20.html لأنہ لو ترک فجر یومہ و أدی باقي صلواتہ انقلبت صحیحۃ بعد طلوع الشمس۔ ( شامي : ۲/۵۳۲)فقط  واللہ تعالٰی اعلم محمد عامر عثمانی ملی 09 شوال المکرم 1441