سوال :
قبرستان میں جگہ کی کمی ہونے اور دن بدن میت زیادہ ہونے کی وجہ سے کتنے وقت میں ایک قبر کو دوبارہ بدلی کر سکتے ہیں؟ دلائل کی روشنی میں مسئلہ ھذا کو واضح فرمائیے عین نوازش ہوگی۔
(المستفتی : اعجاز ماسٹر، دھولیہ)
-----------------------------------------
بسم اللہ الرحمن الرحیم
الجواب وباللہ التوفيق : ایسی پرانی قبریں جن سے متعلق غالب گمان ہوجائے کہ ان میں مدفون میت اور ان کی ہڈیاں بوسیدہ ہوکر ختم ہوگئی ہوں گی تو ایسی قبروں میں دوسرے مُردوں کی تدفین جائز اور درست ہے، اب میت کا جسم اور ہڈیاں ختم ہوجانے کی مدت مختلف علاقوں میں مٹی میں نمک کے اجزاء کی کمی اور زیادتی کے اعتبار سے مختلف ہوسکتی ہے۔ لہٰذا اس سلسلے میں کوئی مخصوص مدت متعین نہیں کی جاسکتی۔
وَلَوْ بَلِيَ الْمَيِّتُ وَصَارَ تُرَابًا جَازَ دَفْنُ غَيْرِهِ فِي قَبْرِهِ وَزَرْعُهُ وَالْبِنَاءُ عَلَيْهِ۔ (شامی : ٢/٢٣٣)فقط
واللہ تعالٰی اعلم
محمد عامر عثمانی ملی
16 جمادی الآخر 1442
جزاکم اللہ خیرا و احسن الجزاء
جواب دیںحذف کریں