سوال :
مفتی صاحب ! نفل روزہ اگر حیض سے ٹوٹ جائے تو کیا اسکی قضا کرنا ہوگی؟ مدلل جواب عنایت فرمائیں۔
(المستفتی : فیضان عابد، مالیگاؤں)
----------------------------------------
بسم اللہ الرحمن الرحیم
الجواب وباللہ التوفيق : نفل نماز یا روزہ شروع کردینے کے بعد اگر توڑ دیا گیا تو بعد میں اس کی قضا واجب ہوتی ہے۔
صورتِ مسئولہ میں اگر کسی عورت نے نفلی روزہ رکھ لیا، پھر صبح صادق کے بعد اسے حیض آجائے تو اس کا روزہ فاسد ہوجائے گا۔ لہٰذا حیض ختم ہونے کے بعد میں کبھی بھی اس روزہ کی قضا کرنا واجب ہوگا۔
اذا حاضت الصائمۃ المتطوعۃ یجب القضاء فی اصح الروایتین کذا فی النہایۃ۔ (الفتاویٰ الہندیۃ : ۱/۲۱۵)فقط
واللہ تعالٰی اعلم
محمد عامر عثمانی ملی
24 شوال المکرم 1441
کوئی تبصرے نہیں:
ایک تبصرہ شائع کریں